ئەنجومەنی پارێزگای سلێمانی دوو ناحیە دەکاتە قەزا

لڤین:

بەپێی نوسراوێکی ئەنجومەنی پارێزگای سلێمانی، کە بە ژمارە ( ٦٣ ) لە ( ٢٣ / ٦ / ٢٠٢١ ) دەرچووە و واژووی ( ئازاد محمد امین سەرۆکی ئەنجومەنی پارێزگای سلێمانی ) لەسەرە، ڕایگەیاندووە ،” ئاماژە بە بڕگەی یەکەم و هەشتەم لە ماددەی ( ١٠ ) لە پەیڕەوی ناوخۆی ئەنجومەن بەمەبەستی ئەنجامدانی ( ٦٣ )ـیەمین کۆبونەوەی ئەنجومەنی پارێزگا وەک کۆبونەوەی ئاسایی ئاگاداری سەرجەم ئەندامانی ئەنجومەن بکەنەوە کاتژمێر ( ١٠ ) ی بەیانی ڕۆژی ( سێ شەممە، ٢٩ / ٦ / ٢٠٢١ ) لە هۆڵی کۆبوونەوەکانی ئەنجومەن ئامادەبن بە پێی ڕێنماییە تەندروستیەکان”.

لەبەشێکی تری نوسراوەکەدا ئاماژە بە کارنامەی کۆبوونەوەکە دراوەو، تێیدا هاتووە:

١- دەنگدان لەسەر گۆڕینی ناوی ( گوندی گورگە دەر ) بۆ ناوی ( سەرقەڵای عوزێری ) سەر بە ناحیەی پیرە مەگروون لە قەزای دووکان.

٢- دەنگدان لەسەر دروستکردنی گوندی ( کانی ئاسکان ) سەر بە ناحیەی ( سەرقەڵا ) لە قەزای ( کفری ) لەسەر پارچە زەوی ( ١٣ ) بەردەڵانی کەرتی ( ٧١ ) ناصاڵح .

٣- دەنگدان لەسەر بە قەزاکردنی ناحیەی ( بازیان ) سەر بە قائیمقامیەتی ناوەندی سلێمانی.

٤- دەنگدان لەسەر بە قەزاکردنی ناحیەی ( حاجی ئاوا ) سەر بە قەزای ( ڕانیە ) پاڵپشت بە بڕگەی چوارەم لە مادەی ( ١٠ ) ی پەیڕەوی ناوخۆی پارێزگای سلێمانی لە ڕۆژی ( ٢٧ / ٦ / ٢٠٢١ ).

 

بابەتی پەیوەندیدار

Back to top button