تاقیکردنەوەی پۆلە ناکۆتاکان لە هەرێمی کوردستان دەستیپێکرد
لڤین:
ئەمڕۆ تاقیکردنەوەی خولی یەکەمی پۆلە ناکۆتاکان لە هەرێمی کوردستان دەستیپێکرد و 428 خوێندکار لە سنوری پارێزگای سلێمانی، بەشداریی تاقیکردنەوەکان دەکەن.
ئەمڕۆ لە هەرێمی کوردستان تاقیکردنەوەی خولی یەکەمی ھەردوو وەرزی یەکەم و دووەمی پۆلە ناکۆتاکان دەستیپێکرد.
دڵشاد عومەر، بەڕێوەبەری گشتی پەروەردەی سلێمانی، لە کۆنگرەیەکی رۆژنامەوانیدا ڕایگەیاند، ئەمڕۆ تاقیکردنەوەی خولی یەکەمی ھەردوو وەرزی یەکەم و دووەمی پۆلە ناکۆتاکان دەستیپێکرد کە 428 خوێندکار لە سنوری پارێزگای سلێمانی، بەشداریی تاقیکردنەوەکان دەکەن.
کۆتا ڕۆژی تاقیکردنەوەی خولی یەکەمی پۆلە ناکۆتاکان لە رۆژی ١ی ٧ دەبێت.
بەڕێوەبەری گشتی پەروەردەی سلێمانی، هاوکات سوپاسی مامۆستایان و کەسوکاری خوێندکاران و فەرمانگەی کارەبا و تەندروستی کرد کە بەدەم داواکارییەکانیان لە ناوەندەکانی خوێندنەوە چوون، لە بواری خۆپارێزیی و دابینکردنیی کارەبا و فێنککەرەوە بۆ ناوەندەکانی خوێندن.
دەستپێکردنی تاقیکردنەوەکان لە کاتێکدایە، ئەمساڵ بەهۆی بڵاوبوونەوەی ڤایرۆسی کۆرۆنا، زۆربەی کاتەکانی خوێندن دەرگای خوێندنگاکان داخرابوون و بەشێکی کەمی ڕۆژەکانی ساڵ خوێندکار چووە ناو پۆلەکان و بەشەکەی دیکەی بە ئۆنلاین درێژە بە خوێندن درا، هەربۆیە وەک خوێندکاران باسی دەکەن ئەمساڵ وەک پێویست سودیان لە خوێندن وەرنەگرتووە.
