پله‌كانی گه‌رما زیاتر به‌رزده‌بێته‌وه و قائیمقامیه‌تی سلێمانیش هۆشداری ده‌دات
لڤین:
به‌پێی ئه‌و پێشبینیانه‌ی كه‌شناسی هه‌رێم كردونی، پله‌كانی گه‌رما زیاتر به‌رز ده‌بنه‌وه، له‌پێناو پاراستنی ته‌ندروستی و گیانی هاوڵاتیان قائیمقامیه‌تی سلێمانی هۆشداری ده‌دات.
راگه‌یاندنی قائیمقامیه‌تی سلێمانی، ئاشکرای کردووە ئه‌مڕۆ ( دووشەممە، ٢١ی حوزەیرانی ٢٠٢١ ) له‌شكر حه‌مید، سه‌رۆكی لیژنه هاوبه‌شه‌كانی قائیمقامیه‌تی سلێمانی رایگه‌یاندووە،” به‌پێی ئه‌و پێشبینییانه‌ی كه‌شوهه‌وای هه‌رێم ئاشكرا كردوه، پله‌كانی گه‌رما به‌رده‌وام له به‌رز بونه‌وه‌دا، بۆیه بۆپاراستنی خۆیان پێویسته هاوڵاتیان هه‌ندێك رێكاری پێویست بگرنه‌به‌ر، له‌وانه خۆ به‌دور گرتن له كڕینی ئه‌و خواردن و خوارد‌نه‌وانه له شوێنی گه‌رم و ناته‌ندروستدا عه‌مبارده‌كرێن یان به سه‌ربه‌تاڵی له‌بازاڕه‌كاندا به‌هاوڵاتیان ده‌فرۆشرێن، چونكه هۆكارێكن بۆ بڵاوبونه‌وه‌ی و گواستنه‌وه‌ی په‌تای سكچون و رشانه‌وه كه زیاتر له منداڵاندا ده‌رده‌كه‌ون”.
لە بەشێکی تری ڕاگەیەندراوەکەدا هاتووە،” هاوكات د. په‌رست نه‌قشبه‌ندی، نوێنه‌ری به‌ڕێوه‌به‌رایه‌تی ته‌ندروستی له لیژنه‌كان داوا ده‌كات؛ له‌كاته گه‌رمه‌كاندا به‌تایبه‌ت له سەعات ( ١١ ی پێشنیوەڕۆ بۆ ٤ی پاشنیوەڕۆ ) لە ماڵەکانتاندا بمێننه‌وه و بۆ کاری زۆر پێویست نەبێت مه‌چنه دەرەوە بەتایبەتی ئەو کەسانەی نەخۆشییە درێژخایەنەکانیان لەگەڵدایە”.
سه‌باره‌ت به مامه‌ڵه‌كردن به سوته‌مه‌نییه‌كان له كاته گه‌رمه‌كاندا، نه‌قیب رێكان جه‌مال، نوێنه‌ری به‌رێوه‌به‌رایه‌تی به‌رگری شارستانی له لیژنه‌كانی قائیمقامیه‌ت رایگه‌یاندووە،” بەهۆی بەرزی پلەکانی گەرماوە بەهیچ شێوەیەک نابێت و رێگەپێدراو نییە کە تانکەری سوته‌مه‌نییه‌كان به‌تایبه‌تی غازی شلی ( LPG ) لە کاتەکانی نیوەڕۆدا بۆ شوێنەکان بگوازێته‌وه لەبەر ئەوەی مەترسی رودانی نەخوازراوی لێدەکەوێتەوە، پێویستە لە درەنگانێکی شەودا ئەو کارە بکرێت، هەر شوێنێک پابەند نەبێت روبەڕوی رێکاری یاسایی دەکرێتەوە”.
لە کۆتایی ڕاگەیەندراوەکەدا هاتووە،” نه‌قیب رێكان جه‌مال، نوێنه‌ری به‌رێوه‌به‌رایه‌تی به‌رگری شارستانی داوا له شۆفێرانكردووە له‌پێناو پاراستنی گیانی خۆیان و سه‌لامه‌تی ئوتۆمبیله‌كانیان له‌كاته زۆر گه‌رمه‌كاندا سه‌ردانهی به‌نزینخانه‌كان نه‌كه‌ن و به‌نزین نه‌كه‌نه ئۆتۆمبیله‌كانیانه‌وه، چونكه له‌و كاتانه‌دا ئه‌گه‌ری دروستبونی روداوی نه‌خوازراو زیاتره”.
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
