گەنجێک لە کاتی مەلەوانیدا خنکا

لڤین:

موقه‌ده‌م به‌یار محیه‌دین، به‌رپرسی راگه‌یاندنی به‌ڕێوه‌به‌رایه‌تی به‌رگری شارستانی سۆران، له‌ راگه‌یه‌ندراوه‌كه‌دا،ئه‌مڕۆ ( یه‌كشه‌ممه‌، ٢٠ی حوزەیرانی ٢٠٢١ )، رایگه‌یاندووە،” كاتژمێر ٢:٤٢ خوله‌كی پاش نیوه‌ڕۆی ئەمڕۆ ژووری بزوێنه‌ری به‌ڕێوه‌به‌رایه‌تییه‌كه‌یان له‌ بوونی حاڵه‌تێكی خنكان ئاگادار كرایه‌وه‌”.

بەرپرسەکەی بەرگری شارستانی سۆران ئاماژه‌ی به‌وه‌شداوە،” له‌و رووداوه‌دا گه‌نجێكی ته‌مه‌ن ٢٣ ساڵان به‌ ناوی ( نزار سیامه‌ند عه‌زیز )، دانیشتووی گوندی لێڕه‌بیر له‌ سنووری قه‌زای مێرگه‌سۆری سه‌ر به‌ ده‌ڤه‌ری بارزان له‌ رووباری رێزان له‌كاتی مه‌له‌وانیدا خنكاوه‌.

ئاشکرایشیکردووە،” راسته‌وخۆ دوای گه‌یشتنی هه‌واڵه‌كه‌، تیمی مه‌له‌وانانی مێرگه‌سۆر گه‌یشتنه‌ شوێنه‌كه‌ و توانییان له‌ هه‌مان شوێنی رووباره‌كه‌ ته‌رمه‌كه‌ی دەربهێنەوە و  ئێستا ته‌رمی گه‌نجه‌ خنكاوه‌كه‌ ره‌وانه‌ی پزیشكی دادی سۆران كراوه‌”.

بابەتی پەیوەندیدار

Back to top button