لاهور شێخ جەنگی: یەکێتی ئامانجیەتی هێزی پێشمەرگە یەکبخرێت
لڤین:
هاوسه‌رۆكی یه‌كێتیی نیشتمانیی كوردستان رایگەیاند،حزبەکەی ئامانجیەتی هێزی پێشمه‌رگه یه‌كبخرێت دەشڵێت هاندەر دەبن بۆ یەکخستنی هێزەکانی پێسمەرگە.
به‌یانی ئه‌مڕۆلاهور شێخ جه‌نگی، هاوسه‌رۆكی یه‌كێتیی نیشتمانیی كوردستان، له دووه‌مین كۆنگره‌ی كۆمه‌ڵه‌ی پێشمه‌رگه دێرینه‌كان كه له‌شاری سلێمانی به‌ڕێوه‌ده‌چێت وتارێکی پێشکەش کرد و تیایدا ڕایگه‌یاند: كۆمه‌ڵه‌ی پێشمه‌رگه‌ی دێرینه‌كان بڕبڕه‌ی پشتی مانه‌وه‌ی گه‌له‌كه‌مانه.
ئەو وتیشی: دواكارییه‌كانی كۆمه‌ڵه‌كه مافی خۆیانه و ئه‌ركی حكومه‌تی هه‌رێمی كوردستان و یه‌كێتیی نیشتمانی كوردستانه جیبەجێیان بکەن.
هاوسه‌رۆكی یه‌كێتیی ڕاشیگه‌یاند، یه‌كێتی ئامانجیەتی هێزی پێشمه‌رگه یه‌كبخرێت و هانده‌ردەبن بۆ یه‌كخستنی هێزی پێشمه‌رگه.
