لە سلێمانی بەهۆی دەمەقاڵێوە گەنجێک بە گوولە دەکوژرێ
لڤین:
بەهۆی دەمەقاڵێوە کەسێک بە گوللـە دەسڕێژلە دووکانێک دەکات و بەهۆیەوە و کەسێک دەکوژێت و کەسێکی دیکەش برینداردەکات.
سەرکەوت ئەحمەد؛ وتەبێژی پۆلیسی سلێمانی ڕاگەیاند، شەوی ڕابردوو لە گەڕەکی هوانەی شاری سلێمانی کەسێک چووەتە دوکانێکەوە و لەوێ لەگەڵ دوو برادا کە خاوەنی دووکانەکە بوون بووەتە دەمەقاڵێیان.
وتەبێژی پۆلیسی ڕوونیشی کردەوە؛ کەسەکە ڕۆشتووە و دواتر گەڕاوەتەوە و تەقەی لە دووکانەکە کردووە و یەکێک لەو دوو برایە کوژراون و کەسێکی دیکەش کەهاتووە بۆدووکانەکە لە کاتی شت کریندا لەوێ بریندار بووە.
ئاماژەی بەوەشدا، ناسنامەی بکوژەکە دۆزراوتەوە و لەئێستادا بەشوێنیدا دەگەڕێن بۆ دەستگیرکردنی بەڵام نادیارە، بریندارەکەش گولـلە بەر قاچی کەوتووە و تەندروستیی لەئیستادا جێگیرە.
