یاسین تەها:

نەخۆشەكانی هیوا بێ هیوا مەكەن…..

لڤین:

شەش ساڵە بەهۆی بارودۆخی كەسێكی ئازیزەوە ناوبەناو چوومەتە هیوا، دوو ساڵی كۆتایی بەشێوەی مانگانە. لەهەموو بستێكی ئەم نەخۆشخانە بەڕووبەر بچوك و بە ناوەڕۆك و بەخشش گەورەیە، چەندین چیرۆك و هیوای كەڵەكەبووی هەڵچنراو دەبینرێن، رۆژگاری كۆتایی هەندێك لە نەخۆشەكانیش هەر لە قاوش و ڕاڕەوەكانی ئەم نەخۆشخانەیە بەمیهر و سۆز و ئازارشكاندن و سووككردنی باری قورسی سەرشانەوە بەڕێدەكرێن و تەنها سەردانكەرانی ئەوێ لە كاریگەریی و مانا و پێویستی ئەم ئەركە مرۆییە تێ دەگەن.
جاران هیوا هەر ڕووگەی نەخۆشەكانی پارێزگای سلێمانی بوو، بەڵام ئێستا لە ڕیزەكانی سەرەگرتنی نەخۆشەكانیدا جگە لەپارێزگاكانیتری عێراق، گوێت لە ئاخاوتنی خەڵكی قەسرێ و سۆران و زۆربەی دەڤەر و شارەكانیتری كوردستان دەبێت و دەڵێی ماڵی هەموو كوردستان و ڕووگەی هەموو عێراقە. نەخۆش هەیە ماوەیەكی زۆر ڕۆژانە سێ كاتژمێر و زیاتر رێگە دەبڕێت بۆ هیوا بەهیوای چارەسەرێك، زۆرێك لە نەخۆشەكانیتریش “هیوا” بووە بەماڵی دووەمیان، بەیانی كە دێن سەر لەئێوارە پشكنین و چارەسەرەكەیان ئامادە دەبێت و جاری واش هەیە ئەكەونە نیوە شەو و سپێدەی ڕۆژی دوایی، بەڵام لەبەر ئەوەی هیوایەكیان هەیە بۆ چاكبوونەوە و لەوێ ستافێكی میهرەبان و پشوو درێژ و دڵسۆز هەیە هێشتا هەر شوكر و سوپاسگوزارن.
خزمەتەكانی هیوا ئەو تروسكاییەن كە هێشتا هیوا دەبەخشن بە ژیان لەم وڵاتە و دڵی جۆرەها دڵشكاو لە ژیان دەدەنەوە، ڕاگرتن یان كەمكردنەوەیان هێندەیتر ناڕەحەتی و ڕق و بێزاری زیاتر دەكەن. ئاخر خۆ ئێمە وڵاتێكی هەژار نین، زۆر قەرەباڵغ و سیخنانیش نین دەرەقەت نەیەین…
نەخۆشەكانی هیوا بێ هیوا مەكەن، ئەوان هەناسەكان و هەموو هیوایەكیان لە ژیاندا لەپاش لوتفی خودا تەنها لەسەر ئەم پەناگەیە وەستاوە و ئەوەتا ژمارەشیان ڕۆژ لەدوای ڕۆژ زیاتر هەڵدەكشێت و بەشێك لەوانەش هێشتا منداڵن یان لەبەهاری تەمەندان و دڵیان بە ژیان خۆشە.


Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4

Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6

Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7

Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22

Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21

بابەتی پەیوەندیدار

زیاتر بخوێنەوە
Close
Back to top button