ڤیان صەبری:

هیچ بڕیارێکی فەڕمی بونی نییە بۆ ناردنی ٢٠٠ ملیار دینار بۆ هەرێم

لڤین:

دکتۆرە ڤیان صەبری، سەرۆکی فراکسیۆنی پارتی دیموکراتی کوردستان لەئەنجومەنی نوێنەرانی عێراق بەبوار نیوزی ڕاگەیاندووە،” دوای تەواوبونی وردبینیکردنی داتاکانی تایبەت بەداهاتی نانەوتی لەلایەن دیوانی چاودێریی دارایی فیدڕاڵی بەهەماهەنگی لەگەڵ دیوانی چاودێریی دارایی هەرێمی کوردستان، کە ماوەی یەک هەفتەیە شاندەکەی بەغدا لەهەرێمی کوردستان وردبینی دەکەن، دوای کۆتایی هاتنی کارەکانیان، ئینجا بڕیار دەدرێت چەند پارە لە بەغدا بۆ هەرێمی کوردستان بنێردرێت”.
وتویشیەتی،” وەزارەتی سامان سروشتیەکان سەرجەم داتا نەوتییەکانی ڕادەستی وەزارەتی نەوتی عێراق کردووە، گفتوگۆکان زۆر باش بەرێوە دەچن، باوەر دەکەین لەچەند ڕۆژی داهاتوو، دوای تەواو بوونی هەموو ڕێکارەکان، مقاسە لەنێوان داهات و خەرجی هەرێمی کوردستان و شایستە داراییەکانی هەرێم لە بودجەی عێراق بکرێت ئینجا بڕیار بدرێ چەند پارە لەلایەن بەغدا بۆ هەرێمی کوردستان بنێردرێت”.
سەبارەت بەوەی بەغداد ترلیۆنێك و ٢٠٠ ملیار دینار بۆ هەرێمی كوردستان دەنێرێت، کە حكومەتی عێراق بڕیاری دابێت مانگانە (200 ملیار) دینار بۆ موچەی موچەخۆرانی هەرێمی كوردستان بنێرێت لە ( ١ / ١ / ٢٠٢١ ) تا مانگی شەش هەموو پارەكە پێكەوە بنێرێت، سەرۆکی فراکسیۆنی پارتی، ئاشکرای کردووە،” ئەم زانیارییە فەڕمی نیە، تا ئێستا بڕیاری لەم شێوەیە نییە، چونکە ڕێکار و بڕیارەکان هیشتا ماوە تەواو نەبووە”.

بابەتی پەیوەندیدار

Back to top button