بەهۆی بەرز بوونەوەی نرخی بەنزین وەزیری سامانە سروشتییەكان بانگهێشتی پەرلەمان دەكرێت

لڤین:

لیژنەی وزە و سامانە سروشتییەكان لە پەرلەمانی كوردستان، لەسەر گرانبوونی نرخی بەنزین بانگهێشتی وەزیری سامانە سروشتییەكان دەكەین تا ڕوونكردنەوە لەبارەیەوە بدات

بەپێی ڕاگەیەندراوێكی پەرلەمانی كوردستان، ئەمڕۆ ( سێشەممە، ١٥ی حوزەیرانی ٢٠٢١ ) لیژنەی وزە و سامانە سروشتییەكان به‌مه‌به‌ستی تاوتوێكردنی چه‌ند پرسێك بەسەرپەرشتیی عەلی حەمە ساڵح سەرۆکی لیژنەكە کۆبووەتەوە.

ئاماژە بەوەیشدراوە،” لەکۆبوونەوەکەدا گفتوگۆ له‌سه‌ر گرانیی نرخی به‌نزین و كوالێتی به‌نزین و گازوایل کراو لیژنه‌كە بڕیاریدا نوسراوێك ئاڕاسته‌ی وەزارەتی سامانەسروشتییەکان بكات بۆ بانگهێشتكردنی وه‌زیری سامانه‌سروشتییه‌كان بۆ لیژنه‌كه‌، به‌مه‌به‌ستی پێدانی ڕوونكردنه‌وه‌ی پێویست له‌سه‌ر ئه‌و پرسانه‌و گفتوگۆكردن له‌سه‌ری و چۆنیه‌تیی چاره‌سه‌ركردنی”.

لەبەشێکی تری ڕاگەیەندراوەکەدا هاتووە،” هه‌ر له‌كۆبوونه‌وه‌كه‌دا باس له‌گرانیی نرخی کارەبا لەسەر پڕۆژەکانی پیشەسازی كرا و ئامادەبووان چەندین سەرنج و تێبینی و بیروڕایان له‌وباره‌یه‌وه‌ ئالوگۆڕکرد”.

چەند ڕۆژێکە لە هەرێمی کوردستان نرخی بەنزین لە بەنزینخانەكان زیاتر بەرزبووەتەوە و لە ئێستادا نرخی یەك لیتر بەنزینی نۆرماڵ بە ٧٠٠ دینار و بەنزینی موحەسەن بە ٧٥٠ دینار و سوپەریش ٨٥٠ دینارە ئەوەش نیگەرانی شۆفێرانی لێكەوتووەتەوە و دوای دابەزینی نرخەكەی دەكەن.

بابەتی پەیوەندیدار

Back to top button