دەمیرتاش: نابێت کەس ناچارمان بکات لەنێوان دوو خراپەدا هەڵبژێرین
لڤین:
هاوسەرۆکی پێشووتری هەدەپە کە لە زیندانی جۆری ئێفی ئیدرنەیە رایگەیاند: ئێمە هەموو خەرجییەک بۆ جێگرتنەوەی زیهنیەتی دەسەڵاتی ئێستا نادەین، نابێت کەس ناچارمان بکات لەنێوان دوو خراپەدا هەڵبژێرین”
سەلاحەدین دەمیرتاش، وتیشی: ئەوانەی خۆیان دوورخستەوە دەدۆڕێنن، ئێمە هەموو ئەم نرخە نادەین بۆ ئەوەی ئەو عەقڵییتەی ئێستا لە دەسەڵات جێی خۆی بکاتەوە کەس نابێت هەوڵ بدات ناچارمان بکات کە لە نێوان دوو خراپەدا هەڵبژێرین. ئەوانەی ناتوانن بەرگری لە دیموکراسی ڕاستەقینە و ئاشتییەکی ڕاستەقینە بکەن، کە بە دڵێکی تەواوەوە باوەڕیان پێی نییە، ناتوانن لە داهاتووی تورکیادا بڵێن، ئێمە دەیانخەینە پێشەوە.
دەمیرتاش لە بارەی قسەکانی سەدات پەکەر مافیای هەڵهاتوو لە تورکیا وتی “پێموایە مافیا ئەو بابەتە بوو کە سیاسەتی دیاری دەکرد لە تورکیا، تاکە جیاوازی یەک لە نێوان سەدات پەکەر و حکومەت ئەوەیە کە پەکەر ڕاستگۆیانە قبوڵی دەکات کە مافیا بێت بۆیە قسەکانی بۆ من شۆکهێنەر نین.
دەمیرتاش رەتیدەکاتەوە قسەکانی پەکەر ببێتە هۆی سەرهەڵدانی ناکۆکی جدی لە نێو ئەکەپەدا و لە بارەی حزبە ئۆپۆزسیۆنەکانیش لەو بارەیەوە دەڵێت “من دەبینم حزبە نوێکانی ئۆپۆزسیۆن هەوڵ دەدەن بە چەند لێدوانی پراگماتیستیانە پێگەی خۆیان بەهێز بکەن نەک زیاتر . ئەم پارتانە بە لێدوانی زۆر وریایانە هەوڵ دەدەن خۆیان لە ڕابردوویان جیا کەنەوە من بیرم نایەت کە گوێم لە ڕەخنە لە خۆگرتنیان بوو بێت”
