بکوژی هاووڵاتییەکەی گەڕەکی رزگاری سلێمانی ڕادەستی دادگاکانی هەرێم کرایەوە

لڤین:

دوای ئەوەی ئێوارەی ١٠ی ئەم مانگە هاووڵاتیەک، كه‌ سەرقاڵی نۆژەنکردنەوەی خانوویەک بوو لە گەڕەکی رزگاری، لە کاتی بەسەرکردنەوەی خانووەکەی لە لایەن کرێکارەکەیەوە کوژرابوو، دواتر بکوژەکە ئۆتۆمبێلی خاوەنکارەکەشی دزیبوو، دوێنێ ئاسایشی پارێزگای سلێمانی رایگەیاند، بەهاوکاری هێزە ئەمنییەکانی عێراق تۆمەتبار لەپارێزگای سەڵاحەدین دەستگیرکراوە و دەستیش بەسەر ئۆتۆمێلە دزراوەکەدا گیراوە.

بەڕێوەبەرایەتی ئاسایشی سلێمانی رایگەیاند،” دوای ئەوەی دوێنێ ( ١٢ی حوزەیرانی ٢٠٢١ ) هەواڵی دەستگیركردنی تۆمەتبار (س.ح.ح.ت) لەلایەن ئاسایشی سلێمانیەوە بڵاوكرایەوە كە هەستابوو بەكوشتنی هاووڵاتی ( عوسمان حمە سەعید) لەگەڕەكی ڕزگاری شاری سلێمانی، ئەمڕۆ گەڕێنرایەوە بەردەم دادگاكانی هەرێمی كوردستان بەمەبەستی دادگایی كردنی”.

بابەتی پەیوەندیدار

Back to top button