وەزارەتی بازرگانی بەشە خۆراکی مانگانەی ھاوڵاتیانی بۆ ھەر تاکێک دیاری کرد
لڤین:
وەزارەتی بازرگانی و پیشەسازی حکومەتی ھەرێمی کوردستان بەشە خۆراکی مانگانەی ھاوڵاتیانی بۆ ھەر تاکێک دیاری کرد.
نەوزاد شێخ کامیل، بەڕێوەبەری گشتی بازرگانی هەرێمی کوردستان، ڕایگەیاند: بەپێی نوسراوێکی بەڕێوەبەرایەتی گشتی خۆراکی وەزارەتی بازرگانی حکومەتی فیدراڵ کە ئاراستەی لقی بەڕێوەبەرایەتیەکانی خۆراک کراوە ڕایانگەیاندوە ئامادەکاری بکەن بۆ وەرگرتنی ئەو بەشەخۆراکانەی کە لەئایندەیەکی نزیکدا دابەش دەکرێت بەسە ر هاوڵاتیاندا.
بەپێی ئەو نوسراوە بۆ هە رکەسێک لەمەودوا بەشە خۆراک بەم شێوەی لای خوارەوە دابەش دەکرێت لە هەموو عێراق بە هەرێمی کوردستانەوە:-
١- برنج(٣) سێ کیلۆ
٢- شەکر(١) یەک کیلۆ
٣- زەیت (١) یەک لتر
٤- دۆشاوی تەماتە (٤٠٠) چوارسەد غرام
٥- باقلەمەنی(١) یەک کیلۆ (فاسۆلیا و نیسک و نۆک)
٦- ئارد(٩) نۆ کیلۆ
