وەزارەتی دارای هەوڵی زیادکردنی جوڵەی بازرگانی دەدات بەمەبەستی زیادکردنی داهات

لڤین:

وەزارەتی دارایی و ئابوری حکومەتی هەرێمی کوردستان، بڵاوی کردەوە کە،” سەرلەبەیانی ئەمرۆ ( چوارشەممە ٩ی حوزەیرانی ٢٠٢١ ) لە دیوانی وەزارەت، وەزیری دارایی و ئابوری لەگەڵ بەڕێوبەری گشتی گومركی هەرێمی كوردستان و سەرجەم بەڕێوبەرەكانی گومرك لەسەر زیادكردنی داهات و  جوڵەی بازرگانی كۆبوونەوە”.

ئاماژە بەوەشکراوە،” لەسەرەتای كۆبوونەوەكە، بەڕێز ئاوات جەناب نوری وەزیری دارایی و ئابوری باسی ئاستەنگەكانی بەردەم كاری بازرگانی كرد لە هەرێمی كوردستان و بەڵێنی ئەوەیدا، هەموومان پێكەوە دەتوانین كاری باشتر بكەین لە پێناو زیادكردنی جوڵەی بازرگانی و بە ئامانجی زیادكردنی داهات”.

لە ڕاگەیەندراوەکەدا وەزارەتەکە ئەوەشی خسووەتەڕوو،” هەر لەو كۆبوونەوەیەدا،  ساماڵ عەبدولرەحمان بەڕێوبەری گشتی گومركی هەرێمی كوردستان. بە وردی باسی ئاستەنگەكانی كرد و پێكەوە ڕێگاچارەسەری گونجاویان دەستنیشانكرد تاوەكو لەو ڕێگەیەوە،  ڕێ و شوێنی پێویست  بۆ ئاسانکاری و لابردنی ئاستەنگەكان لە پێناو باشتر کردن وزیاد کردنی جووڵەی بازرگانی و داهات، بكرێت”.

ئاماژە بەوەیشدراوە کە،” لە كۆتایی كۆبوونەوەكەشدا، ئاوات جەناب نوری وەزیری دارایی و ئابوری، جەختی لەوە كردەوە، كە گومرك سەرچاوەیەكی گرنگی داهاتە لە هەرێمی كوردستان دەبێت بە هەموومانەوە پارێزگاری لەو داهاتە گرنگە بكەین”.

بابەتی پەیوەندیدار

زیاتر بخوێنەوە
Close
Back to top button