میدیای پارتی:

دوو ئەفسەری پێشمەرگە لەلایەن پەکەکەوە رفێندراوە

لڤین:

ماڵپەری ( كوردستان24 )ی نزیک لە سەرۆکی حکومەت، ئەمڕۆ (  دووشەممە، ٧ی حوزەیرانی ٢٠٢١ ) ڕایگەیاند،” ئه‌و دوو ئه‌فسه‌ره‌ له‌ كۆمه‌ڵگه‌ی خانسۆره‌وه‌ به‌ره‌و گوندی  (بارێ ) چوون و كه‌وتوونه‌ته‌ بۆسه‌ی چه‌كدارانی په‌كه‌كه‌ و به‌ره‌و شوێنێكی نادیار رفێندراوون “.

لە بەشێکی تری هەواڵەکەدا هاتووە،” عەقید لوقمان کولی، بەرپرسی کارگێڕی هێزی پێشمه‌رگه‌ی شنگال، بە ماڵپەرەکەی راگەیاندووە ، “لە کاتژمێر ٦:٠٠ ی سەرلەبەیانی ئەمڕۆ، هەردوو ئەفسەری هێزەکەمان بە ناوەکانی (فێرۆ میرزا عوسمان و بەدەل ئەمین عوسمان) کە ئامۆزای یەکن و لە مۆڵەتدا بوون، لە زاڵگەیەکی پەکەکە لە نێوان کۆمەڵگای خانسۆر و گوندی “بارێ” لە لایەن چەکدارانی پەکەکه‌وە دەستبەسەرکران و رفێندران”.

ئەمین عوسمان بەدەل، کە باوکی یەک لەو دوو ئەفسەرەیە و مامی ئەویترە،وتویەتی، ” هەر لە کاتی گەیشتنی دەنگۆی گرتنیان، ئێمە چووینە لای بەرپرسانی پەکەکە و داوامان لێکردن ئازادیان بکەن، بەڵام پەکەکە ئینکاری ئەوە دەکەن کە ئەم دوو ئەفسەرە لە لای ئەوان بن “.

باوکی ئەفسەرەکە وتویشیەتی، “ئێمە شایەدحاڵمان هەیە، کە چەکدارانی پەکەکە ئەو هەردوو ئەفسەرەی هێزی پێشمەرگەی شنگال گرتووە و ئێمە مۆڵەتێکمان بە پەکەکە داوە کە ئەگەر ئازادیان نەکەن ئێمە رێگایتر دەگرینە بەر”.

بابەتی پەیوەندیدار

Back to top button