بانگێشتی کۆمپانیاکانی ئێرانمان کرد بۆ هەرێم

هەروەها ئاماژەی بەوەیش کردووە،” لەم کۆبونەوەیەدا کە بەڕێز مورتەزا رەزایی جێگری وەزیری کشتوکاڵی ئێران بۆ بەرهەمی ئاژەڵی و زۆربەی بەڕێوەبەرانی گشتی تایبەتمەند ئامادبوو، لە نێوان هەردوو لادا جەخت لەسەر پەرەپێدانی پەیوندیەکان و هەماهەنگی لە ساغکردنەوەی بەرهەمەکان کرایەوە، بەتایبەتی له بوارەکانی بەرهەمهێنانی پیشەسازی کشتوکاڵی و پەروەردەکردنی ئاژەڵ و توێژینەوە لەسەر ئاژەڵی دەرەکی بەتایبەتی مانگای هۆڵشتاین و گونجاندنی لەگەڵ کەش و هەوای ووڵاتی ئێران و بەرزکردنەوەی ئاستی بەرهەم لە ڕووی شیر و گۆشتی سور و کەرتی دەواجن و هەنگوین و بنەتۆ و گاوداری و بەرهەمەکانی لەقوتونان و پرۆژەکانی بەرهەمی کشتوکاڵی لەڕێگەی خانووی پلاستیکی”.

ڕایشیگەیاندووە،” هەروەها لە تەوەرێکی تری کۆبونەوەکەماندا باسی ووشکەساڵی و کێشەی ئاوی سیروان و زێی بچوکمان کرد کە سەرچاوەکەی لەوڵاتی ئێراندایە”.

لە کۆتاییدا ئاماژەی بەوەیشداوە کە،” بۆ مەبەستی سوود وەرگرتن لە پرۆژەکانی بونیادنانی بەنداوەکان و ئاودێری، بانگێشتی کۆمپانیاکانی ئێرانمان کرد بۆ هەرێمی کوردستان بۆ ئەوەی هەماهەنگی و بەرهەم هێنان بکەن لە بواری پرۆژەکانی کشتوکاڵی و ئاودێری”.