حكومەتی هەرێم:

لیژنەی چاكسازیی وەزارەتی كاروباری شەهیدانی و ئەنفالکراوان ناتوانن بێنە پەرلەمان ئێوە وەرن

لڤین:

پەرلەمانی كوردستان بە نوسراوی رەسمی داوای ئامادەبونی لیژنەی چاكسازی شەهیدان و ئەنفالكراوان و لیژنەی چاكسازی زیندانیانی سیاسی لە وەزارەتی كاروباری شەهیدان و ئەنفالكراوان كردوە، بەمەبەستی گفتوگۆكردن لەسەر پرسی چۆنیەتی بەڕێوەچونی كارەكانیان، بەڵام حكومەت لەوەڵامی پەرلەماندا وتویەتی، ناتوانن ئامادەبن.

حكومەتی هەرێمی كوردستان لەنوسراوێكدا كە بە ژمارە ( ٦٢٦٨ ) لە بەرواری ( ١ / ٦ / ٢٠٢١ ) دەرچووە و ئیمزای د.ئومێد سەباح، سەرۆكی دیوانی ئەنجومەنی وەزیرانی لەسەرە، وەڵامی داواكەی پەرلەمانی كوردستانی داوەتەوەو نوسیویەتی،”ئاماژە بە نووسراوی وەزارەتی کاروباری شەهیدان و ئەنفالکراوان ژمارە ٩٠ لە ٣٠ / ٥ / ٢٠٢١ هاوپێچ. سەبارەت بە ناوەڕۆکی نووسراوی سەرەوەتان، لەبارەی ئامادەبوونی لیژنەی چاکسازی و شەهیدان و ئەنفالکراوان و لیژنەی چاکسازی زیندانیانی سیاسی لە وەزارەتی کاروباری شەهیدان و ئەنفالکراوانی حکومەتی هەرێمی کوردستان بەمەبەستی گفتوگۆکردن لەسەر پرسی چۆنیەتی بەڕێوەچوونی کارەکانیان، ناتوانن ئامادەبن بۆیە پێشنیار دەکەن ( لیژنەی کاروباری شەهیدان و جینۆساید و زیندانیانی سیاسی لە پەرلەمانە بەڕێزەکەتان سەردانی بەڕێوەبەرایەتییەکانی کاروباری شەهیدان لە ( هەولێر و سلێمانی و دهۆک ) هەروەها لیژنەی چاکسازی زیندانیانی سیاسی لە دیوانی وەزارەت بکەن، بۆ ئاگادار.”

بابەتی پەیوەندیدار

Back to top button