١٥ ئەندامی گروپێکی شاخەوانی گیانیان لەدەستداو برینداربوون
لڤین:
لەرووداوێکی هاتووچۆدا چوار ئەندامی گروپێکی شاخەوانی لە رۆژهەڵاتى کوردستان گیانیان لەدەستدا وچەند ئەندامێکی دیکەش بریندار بوون.
بەیانى ئەمڕۆ هەینى ژمارەیەک لە شاخەوانانی شارى مەریوان لە رۆژهەڵاتى کوردستان لەڕێگای شاری بانە تووشى رووداوێکى هاتووچۆ بوون و بەهۆیەوە چوار کەس لە گروپەکە گیانیان لەدەستداو ١١ کەسی دیکەش بریندار بوون.
دواى رووداوەکەش تەرمی گەشتیارەکان و بریندارەکان هێنراونەتەوە بۆ شارى مەریوان، ئەو کەسانەی گیانیان لەدەستداوە سەرجەمیان ئەندامی گروپی شاخەوانی ئەنجومەنی سەوزی چیای مەریوانن ئەمرۆش لەو شارە پرسە راگەیەنراوە.
