ئاماری ٤٠ ڕۆژی ڕابردووی ئۆپه‌راسیۆنه‌كانی توركیا له هه‌رێم ڕاگەیەندرا
لڤین:
تیمی كوردستانی عێراقی رێكخراوی ( CPT )ی ئه‌مریكی، ئەمرۆ ( پێنج شەممە، ٣ی ئایاری ٢٠٢١ ) له راپۆرتێكدا داتا و ئاماری چل ڕۆژی ڕابردووی ئۆپه‌راسیۆنی چنگی- ھه‌وره بروسكه‌ی سوپای توركیای بڵاوكرده‌وه و نه‌خشه‌ی فراوانكردنی ھه‌ژموونی سوپای توركیای له خاكی ھه‌رێمی كوردستاندا خسته‌ڕوو:
به‌گوێره‌ی راپۆرته‌كه‌دا له ھه‌فته‌ی یه‌كه‌می ئۆپه‌راسیۆنی چنگی- ھه‌وره بروسكه‌دا، چوار باره‌گای سه‌ربازی تورك به پانتایی ناوچه شاخاویه‌كانی زناری كێسته، كه‌فره سۆر، مه‌لا ردی و ده‌رارێ جێگیر كراون.
رێكخراوه‌كه ڕایشیگەیاند، “له ماوه‌ی ٤٠ رۆژی رابردووی ئۆپه‌راسیۆنه‌كه‌ی سوپای توركیا ١٦ گوند له ناوچه‌ی ئاڤاشین و ٥ گوند له سنوری ناحیه‌ی كانی ماسێ به‌ھۆی بۆردوومانه‌كان چۆڵكراون و به‌مه‌ش نزیكه‌ی ٣٠٠ خانه‌واده له ھه‌ردوو ناوچه‌كه ئاواره‌بوون”.
هەروەها ئاماژه‌شی به‌وه‌داوه،” له ٩ ڕۆژی سه‌ره‌تای ئۆپه‌راسیۆنه‌كه‌دا، هه‌زار و ٣٠٠ پوره‌ی ھه‌نگی ھه‌نگه‌وانانی گوندنشینانی كانی ماسێ و ئاڤاشین له‌ناوچوون. له ماوه‌ی ٤٠ ڕۆژی ئۆپه‌راسیۆنه‌كه‌دا حه‌وت هه‌زار دۆنم زه‌وی كشتوكاڵی به‌ھۆی بۆردوومانه‌كانه‌وه سوتاون”.
ڕێکخراوەکە ڕونیشیکردەوە، “له ماوه‌ی یه‌ك ھه‌فته‌ی ڕابردوودا و به‌ھۆی ئۆپه‌راسیۆنی چنگی ھه‌وره بروسكه، ٤ ھاوڵاتی مه‌ده‌نی له سنوری ناحیه‌ی كانی ماسێ و زاخۆ برینداربوون”.
باسی له‌وه‌شكردووه، “به‌ھۆی بۆردوومانه‌كانه‌وه پڕۆژه‌یه‌كی سه‌ره‌كی ئاو له گوندی ئه‌دنێ له ناحیه‌ی كانێ ماسێ كه ئاوی ٩ گوندی تری دابین ده‌كرد، وێران بوو”.
لە کۆتایدا ئاماژەی بەوەیشداوە، “خانوو ماڵی ھاوڵاتیان له ناوچه‌ی ئاڤاشین و سنوری ناحیه‌ی كانی ماسێ زه‌ره‌ر و زیانی به‌ركه‌وتووه و له گوندی میسكه‌ی سه‌ر به ناحیه‌ی كانی ماسێ كه‌نیسه‌یه‌ك به ئامانج گیراوه و بۆردوومان كراوه”.
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
