ئاوات محەمەد:

هەڵمەتی لیژنەکانی قائیم قامیەتی سلێمانی بەردەوام دەبێت

لڤین:

قائیمقامی سلێمانی جەخت لە بەردەوامی هەڵمەتی لیژنە هاوبەشەکان دەکاتەوە و رایدەگەیەنێت؛ لیژنەکان ئەرکی دینی و ئەخلاقی و نیشتیمانی جێبەجێ دەکەن.
راگەیاندنی قائیمقامیەتی سلێمانی، ڕایگەیاند، ئەمڕۆ پێنجشەممە ( ٣ / ٦ / ٢٠٢١ ) ئاوات محەمەد، قائیمقامی سلێمانی لە هۆڵی کۆبونەوەکانی قائیقامیەت بۆ گفتوگۆکردن و دانانی رێکاری نوێی کاری لیژنە هاوبەشەکان لەگەڵ سەرۆکی لیژنە جیاوازەکان کۆبوەوە.
ئاوات محەمەد، قائیمقامی سلێمانی لەکۆبونەوەکەدا رایگەیاندووە،” کاری سەرەکی لیژنە هاوبەشەکانی قائیمقامیەتی سلێمانی پاراستنی تەندروستی و بەرژەوەندی گشتییە، هەڵمەتەکانیشیان بۆ دوکان و بازاڕ و شوێنە گشتییەکان و پشکنین بۆ ئەو کاڵاوشمەک و خواردەمەنیانەی بازرگانەکان بە هاوڵاتیانی دەفرۆشن، زیان گەیاندن نییە بەکار و بازاڕی هیچ کەس و شوێنێک، بەڵکو پابەند کردنیانە بەو چوارچێوە یاساییەی بۆ کارکردن بۆیان دیاریکراوە”.
قائیمقامی سلێمانی، ئاماژەی بەوەیش داوە،” ئەندامانی لیژنە جیاوازەکانی قائیمقامیەت بەهاوکاری هاوڵاتیان ئەرکی سەرشانی خۆیان بەباشی جێبەجێ دەکەن کە ئەرکی دینی و ئەخلاقی و نیشتیمانییە و لەلایەن دانیشتوانی شاری سلێمانییەوە جێگەی دەستخۆشی وپێزانینە”.
لە بەشێکی تری وتەکانیدا، ئاماژەی بۆئەوەکرد،” لەگەڵ هەبونی هەندێک سەرپێچی کە سزادراون، دوکان و بازاڕەکانی شاری سلێمانی خاوێنن هەڵمەتەکانی لیژنە هاوبەشەکانی قائیمقامیەتی سلێمانی بەردەوام دەبێت”.

بابەتی پەیوەندیدار

Back to top button