٣ باندی بازرگانی ماددە هۆشبەرەکان دەستگیرکران

لڤین:

بەڕێوەبەرایەتی گشتی نەهێشتنی ماددە هۆشبەرەکان، لە هەژماری فەرمی خۆی لە تۆڕی کۆمەڵایەتی فەیس ڕایگەیاند،” لەبەردەوامی هەوڵەکانمان بۆ بنبڕکردن و نەهێشتنی ماددە هۆشبەرەکان دوای بەدوادا چوونێکی وورد لەلایەن بەڕێوەبەرایەتی گشتی نەهێشتنی ماددەهۆشبەرەکان لەگەڵ بنکەی نەهێشتنی ماددەهۆشبەرەکانی حاجی ئۆمەران لە سێ چالاکی جیاوازدا ئەمڕۆ پێنج شەممە ڕێکەوتی ۳ / ٦ / ۲٠۲۱ توانرا ( ۳ ) باندی بازرگانی ماددە هۆشبەرەکان دەستگیربکرێن بەم شێوەیەی خوارەوە

۱ـ دەست بەسەرداگرتنی بڕ ( ۱٥ ) کیلۆ گرام لەجۆری تلیاك لەگەڵ دەستگیرکردنی تۆمەتبارێکی ئێرانی بەناوی ( إ ـ إ ـ ع ) کە ماددە هۆشبەرەکەی بەشێوەیەکی تۆکمە لەناو بارهەڵگرێکی ئێرانی لەناو بارێکی خوێ شاردبویەوە.
۲ـ دەست بەسەرداگرتنی بڕی ( ۳۳۹ ) شیت حەبی هۆشبەر لەجۆری ( ترامادۆڵ ) و بڕی ( ٥٠ ) غرام ( کریستاڵ ) لەگەڵ دەستگیرکردنی تۆمەتبارێك بەناوی ( م ـ ع ـ ق ).
۳ـ دەست بەسەرداگرتنی بڕی ( ۹۳ ) دانە حەبی هۆشبەری ( B2 ) و بڕی ( ۷۲ )دانە حەبی ( کلۆنازپام ) و بڕی ( ٤۲ ) دانە حەبی ( الپرۆزولام ) لەگەڵ دەستگیرکردنی تۆمەتبارێك بەناوی ( م ـ ج ـ م )کە تۆمەتبارەکە ماددە هۆشبەرەکەی لەناو پانتۆلی خۆیدا شاردبویەوە.
تۆمەتبارەکان بەپێی ماددە ( ۲٥ ) ی یاسای ماددەهۆشبەرکان پەڕاوی لێکۆڵینەوەی بۆ کراوەتەوەو ڕەوانەی بەردەم دادوەری لێکۆڵینەوە کرا.

بابەتی پەیوەندیدار

Back to top button