ئازاد محمد:

ماوەی ٣٠ ساڵە نەتوانراوە ئاوی خواردنەوە بۆ چەمچەماڵ دابین بكرێت

لڤین:

ئازاد محەمەد، سەرۆكی ئەنجومەنی پارێزگای سلێمانی و وەفدیكی ئەنجومەنی پارێزگا سەردانی قەزای چەمچەماڵیان كرد، بۆ بەدواداچوون چارەسەری كێشەی ئاوی چەمچەماڵ و پرۆژەی ڕاكێشانی ئاوی گۆپتەپە، لەكۆنگرە ڕۆژنامەنووسیدا، سەرۆكی ئەنجومەنی پارێزگای سلێمانی رایگەیاند،” لەئێستادا هەرێمی كوردستان توشی وشكەساڵی بووتەوە بۆ قەزای چەمچەماڵ كێشەكە زیاتر دەبێت لەبەرئەوەی لەماوەی ( ٣٠ ) ساڵە نەتوانراوە ئاوی خواردنەوە بۆ چەمچەماڵ دابین بكرێت”.
هەروەها لە درێژەی وتەکانیدا ووتیشی،” جەخت دەكەنەوە لەچارەسەری كێشەی كەم ئاوی دابینكردنی ئاو بۆ هاوڵاتیانی قەزاكە ئەویش ڕاكێشانی ئاوی گۆپتەپە- چەمچەماڵە، ئەو بودجەیەی لەڕابردوو بۆی دابین كرابوو بەدەرخستەیەكی نوێ بۆ زیندوو بكرێتەوە، بەخۆشحالیەوە وەزارەتی شارەوانی نوسراوێكی ئاڕاستەی ئەنجومەنی وەزیران كردووە لەدوو خاڵدا داوای دوو بڕە پارەی كردووە، ئەویش بڕی ( ٧ ملیار و ٦١٨ ملیۆن )دینارە”.
سەبارەت بەدەنگوی دیارنەمانی ئەو بڕە پارەیە كە بۆ ڕاكێشانی ئاوی گۆپتەپە چەمچەماڵ دانرابوو، سەرۆكی ئەنجومەنی پارێزگای سلێمانی وتی “ئەو بڕە پارەیە بەهۆی قەیرانی دارایی، ڕاكێشرایەوە بۆ مووچەی مووچەخوران”.

بابەتی پەیوەندیدار

Back to top button