عەلی حەمە ساڵح

بە ڕێگریکردن لە بردنی ئەم پارچە زەویانە زیاتر لە یەک ملیارو ٧٥٠ ملیۆن دۆلار دەگەڕێتەوە خەزێنەی گشتی

لڤین:

عەلی حەمە ساڵح، ئەندامی پەرلەمانی کوردستان، لە هەژماری فەرمی خۆی لە تۆڕی کۆمەڵایەتی فەیسبووک، لەبارەی فرۆشتنی چەند پارچە زەویەک، لە شاری هەولێر،نامەیەک ئاڕاستەی سەرۆکی حکومەتی هەرێم دەکات، و ڕایگەیاندووە،” ئەمڕۆ بەدواداچونێکی تەواومکرد بۆ چەند پارچە زەیەک لە ھەولێر و وەک لە وێنەکەدا دیارە پرسیاری نرخ و خاوەنداری و گرفتی یاساییم کرد، ئەم زەویانە ئەگەر بەپێی یاسا بەرکارەکان کاریان لەسەر بکرێت و بفرۆشرێت، بەدڵنیایی سەرو یەک ملیارو ٧٥٠ ملیۆن دۆلار وەک داھات بەدەستدێت بۆ خەزێنەی گشتی”.

دەقی نامەکە:

بۆ سەرۆکی حکومەتی ھەرێمی
کوردستان
بە ڕێگریکردن لە بردنی ئەم پارچە زەویانە.. زیاتر لە یەک ملیارو ٧٥٠ ملیۆن دۆلار دەگەڕێتەوە خەزێنەی گشتی.
لام گرنگە لێرەوە ئەم نامەیەتان ئاراستە بکەم. ھیواموایە لە پێناو بەرژەوەندی گشتی، کاری جدی لەسەر ئەم پێشنیار بکەن..
ئەمڕۆ بەدواداچونێکی تەواومکرد بۆ چەند پارچە زەیەک لە ھەولێر و وەک لە وێنەکەدا دیارە پرسیاری نرخ و خاوەنداری و گرفتی یاساییم کرد، ئەم زەویانە ئەگەر بەپێی یاسا بەرکارەکان کاریان لەسەر بکرێت و بفرۆشرێت، بەدڵنیایی سەرو یەک ملیارو ٧٥٠ ملیۆن دۆلار وەک داھات بەدەستدێت بۆ خەزێنەی گشتی..
لە فڕۆکەخانەی ھەولێرەوە بۆ سەر شەقامی ١٠٠ مەتری بەلای چەپدا، لەسەر شەقامی ١٠٠ مەتری بە ئاراستەی شەقامی گوڵان بۆ لای پارک، زەویە بەتاڵەکان و پرۆژە تەوانەکراوەکانی نێوان پارک ھەتاوەکو شەقامی ١٠٠ مەتری، زەیەکانی دریم ستی بە ھەردوو ئاراستەی ٤٠ مەتری بۆ ١٠٠ مەتری، پاشان ئەو زەویانەی لە ھەردوو لای چەپ و ڕاستی ڕێگای موسڵن لە نێوان ٤٠ مەتری بۆ ١٢٠ مەتری…
بەشێک لەم زەویانە بە نایاسایی تاپۆ کراون، واتە: بەبێ ئەوەی ھیچ کاری تێدا بکرێت کراوەتە موڵکی تەواو، لە وانە: ٢٠٠ دۆنم لە پشت ھۆتێل ڕۆتانا.. ٨٠ ھەزار مەتر نزیک نەتەوە یەکگرتووەکان..
بەشێک لەم زەویانە ھێشتا کاری تێدا نەکراوەو زیاتر لە ٧٠٠ دۆنم نزیک فڕۆکەخانەو لە سنوری عەنکاوە، بەھاکەی زیاتر لە یەک ملیار دۆلارە.. دوو کۆمپانیای دەستڕۆشتوو ململانێیانە لەسەری و یەکیان ئاڵای کۆمپانێاکەی ھەڵداوە لەسەر ڕوبەری زیاتر لە یەک ملیۆن و ٢٥ ھەزار مەترە..
چەندین پارچە زەوی نایابی دیکەش لەم ناوچەیەدا وەرگیراوەو کاری تێدا نەکراوەو وادەی یاسایی تەواو بوەو ھێڵدراوەتەوە.
لە بری ئەوەی بۆ بەرژەوەندی کەسێک پارچەیەک بدرێتە ١٠٠ ملیۆن و یەکێکی دیکە بدرێتە ٧٠ ملیۆن و ….. ھتد بەیاسا وەربگرێتەوەو بدرێتە سودی گشتی..
ھەندێک زەویش موڵکی گشتی..
چاکسازی گەورە ئەمەیە.. بەدڵنیایی ئەگەر ئەم زەویانە لەبری ئەوەی بۆ دەوڵمەندکردنی چەند کۆمپانیایەک و ھاوبەشەکانیان بەکاربێت حکومەت خۆی قۆناغ قۆناغ و بە کێبرکێ بیفرۆشێت… بە دڵنیایی زیاتر لە یەک ملیارو ٧٥٠ ملیۆن دۆلار دەگرێتەوە…
بەھیوای بڕیارێک لە بەرژەوەندی گشتی..
عەلی حەمە ساڵح

بابەتی پەیوەندیدار

Back to top button