لە 30 مەنجەڵی مسدا دەستگیرا بەسەر زیاتر لە شەش كیلۆ تلیاكدا

لڤین:
ئاسایشی هەرێم رایگەیاند، كەسێكیان دەستگیركردووە لە شاری سلێمانی، كە دەیویست بڕی زیاتر لەشەش كیلۆ، ماددەی هۆشبەر لە مەنجەڵی مسدا ڕەوانەی دەرەوەی هەرێمی كوردستان بكات.

ئاسایشی هەرێم لە راگەیەندراوێكدا دەڵێت: هۆبەی ماددە هۆشبەرەكان توانیان لەناو شاری سلێمانیدا، كەسێك دەستگیربكەن كە بڕێك ماددەی هۆشبەری لە ناو مەنجەڵی مسدا حەشاردابوو و دەیویست ڕەوانەی دەرەوەی هەرێمی كوردستانی بكات.
ئەوەشی روونكردووەتەوە “تۆمەتبارەكە، 30 مەنجەڵی مسی پێ بووە و دوای پشكنین بۆ مەنجەڵەكان دەركەوت لەبەشی ژێرەوەی هەر مەنجەڵێك، نزیكەی 200 گرام زیاتر مادەی هۆشبەر لەجۆری (تلیاك)ی تیادا حەشاردابوو، كۆی گشتی ماددە هۆشبەرە حەشاردراوەكە بڕی شەش كیلۆ و 290 گرام بووە و دەستی بەسەرداگیراوە”.

 

بابەتی پەیوەندیدار

Back to top button