هۆکاری دەستگیرکردنی فەرماندەی ئۆپەراسیۆنەكانی حەشدی شەعبی ڕاگەیەندرا

لڤین:

ئەمڕۆ چوارشەممە، قاسم موسڵیح، فەرماندەی ئۆپەراسیۆنەكانی حەشدی شەعبی لە پارێزگای ئەنبار، پەیوەست بە هێرشەكانی ئەم دواییە بۆ سەر بنكەی ئاسمانی عەین ئەسەد دەستگیركراوە

ئاژانسی رۆیتەرز لەزاری چەند سەرچاوەیەكی ئەمنییەوە بڵاویكردۆتەوە كە،” قاسم موسڵیح، فەرماندەی ئۆپەراسیۆنەكانی حەشدی شەعبی لە ئەنبار بەپێی یاسای دژە تیرۆر دەستگیركراوە.”

ئاژانسەکە لەسەر زاری سەرچاوە ئەمنییەکانەوە ئاشکرای کردووە،” قاسم موسڵیح لە بەغدا بە تۆمەتی تێوەگلانی لە چەند هێرشێك لەوانەش هێرشەكانی ئەم دواییە بۆ سەر بنكەی ئاسمانی عەین ئەسەد لە پارێزگای ئەنبار، دەستگیركراوە كە ئەو بنكەیە هێزەكانی ئەمریكاو چەند هێزێكی دیكەی نێودەوڵەتی لەخۆدەگرێت.”

جێگەی ئاماژە پێدانە،لانیكەم لەم مانگەدا دو جار بە موشەك هێرشكراوەتە سەر بنكەی ئاسمانی عەین ئەسەد لە پارێزگای ئەنبار.

 

بابەتی پەیوەندیدار

Back to top button