لاهور شێخ جەنگی داوا لە لایەنگرانی حزبەکەی دەکات وێنەی هەڵنەواسن
لڤین:
هاوسەرۆکی یەکێتی نیشتیمانی کوردستان داوایەک لە لایەنگرانی حزبەکەی دەکات بۆ ئەوەی بەهیچ شێوەیەک وێنەی ئەو لە پارک و شوێنە گشتییەکان هەڵنەواسن.
لە نوسراوێکدا کە واژۆی لاهور شێخ جەنگی، هاوسەرۆکی یەکێتی لەسەرە دەڵێت “داوا لەسەرجەم ئەندام و لایەنگرە تێکۆشەرەکانی یەکێتی نیشتیمانی کوردستان دەکەم بەهیچ شێوەیەک وێنەی بەندە لە پارک و شوێنە گشتییەکان هەڵنەواسن”
هاوسەرۆکی یەکێتی هۆکاری ئەوداوایەی بۆ ئەوە گێڕاوەتەوە “لە پێناوی ئەوەی هەموان پارێزگاری لە موڵکی گشتی بکەین، تێگەیشتن و خۆشەویستیم بۆ هەر یەکێک لە ئێوە هەیە”.
ئەوەس دوای ئەوە دێت کە وێنەی بەرپرسانی حزبی و سیاسی لە شوێنە گشتی و فەرمانگە حکومیەکاندا زیادی کردووە.
