به‌رگری شارستانی هه‌ولێر دڵنیای پاراستنی دوکانەکانیان دەداتە كاسبكارانی بازاڕی له‌نگه‌

لڤین:

كه‌مێك له‌مه‌وبه‌ر رووداوێکی ئاگركه‌وتنه‌وه‌ له‌ نزیك بازاڕی له‌نگه‌ له‌سه‌ر شه‌قامی ٤٠ مه‌تری شاری هه‌ولێر، ڕوویداوە و به‌رگری شارستانی هەولێر ئه‌و هەواڵانە ڕه‌ت ده‌كاته‌وه‌ كه‌ باس له‌ مه‌ترسی ته‌شه‌نه‌كردنی ئه‌و ئاگره‌ بۆ بازاڕه‌كه‌ ده‌كه‌ن

به‌رگری شارستانی هەولێر، ئەمڕۆ ( ٢١ی ئایاری ٢٠٢١ ) لە ڕاگەیەندراوێکدا، ئاماژەی بەوە داوە کە،” کەمێك پێش ئێستا رووداوێکی ئاگر کەوتنەوە لە نزیك بازاڕی لەنگە روویدا.”

هەروەها لە ڕاگەیەندراوەکەدا هاتووە،”لە باخچەیەك تەنها کەل و پەلی پاشماوەی لێ بووە، بۆیە هیچ پەیوەندی بە لەنگەوە نیە و پێویست بە دڵەڕاوکێ ناکات، چونکە تەلەفۆنێکی زۆرمان لەلایەن کاسبکارانی لەنگەوه‌ بۆ دێت، بۆ دڵنیاییتان هیچ مەترسیەك لەسەر بازاڕەکە نیە.”

هەروەها هاتووە،”به‌ر له‌ كه‌مێك ئاگر له‌ مۆلیده‌یه‌ك له‌ نزیك بازاڕی له‌نگه‌ی شه‌قامی ٤٠ مه‌تریی شاری هه‌ولێر كه‌وته‌وه‌، به‌ڵام ده‌ستبه‌جێ هێزه‌كانی به‌رگری شارستانی و تیمه‌كانی ئاگركوژێنه‌وه‌ گه‌یشتنه‌ شوێنی رووداوه‌كه‌ و ئاگره‌كه‌یان كۆنترۆڵ كرد.”

 

بابەتی پەیوەندیدار

Back to top button