نەتەوەیەکگرتووەکان لە عێراق لە بارەی خۆسوتاندنی گەنجەکە راگەیەندراوێکی بڵاوکردەوە

 

لڤین:

نوێنەرایەتی نەتەوە یەکگرتووەکان لە بارەی خۆسوتاندنی گەنجە رۆژهەڵاتیەکە رایگەیاند نیگەرانن و بە بیری هێناوەتەوە کە ئەوان هاوکاری تەندروستیان پێشکەش کردووە و بڕیاریشیداوە ناوی سەرجەم ئەو پەنابەرانە تۆمار بکەن کە داوای مافی پەنابەری دەکەن.

 

نوێنەرایەتی نەتەوە یەکگرتوەکان لەعێراق راگەیەنراوێکی لەبارەی رووداوی خۆسوتاندنی گەنجێک لەبەردەم بارەگای هەولێر بڵاوکردەوە و رایگەیاند، رووداوی تراژیدی خۆسوتاندنی ئەو پەنابەرە لەبەردەم باڵەخانەی نەتەوەیەکگرتوەکان لە هەولێر، نیگەرانی کردین.

 

نوێنەرایەتیەکە ئاماژەی بەوەکردووە، تیمە تەندروستیەکانی نەتەوەیەکگرتوەکان هاوکاری پزیشکیان پێشکەش به‌و گه‌نجه‌ کردوە و گواستویانەتەوە بۆ نەخۆشخانە.

 

ئەوەسی ئاشکرا کردووە، کۆمسیۆنی باڵای پەنابەرانی نەتەوەیەکگرتوەکان بە هاوبەشی لەگەڵ حکومەتی هەرێمی کوردستان و حکومەتی عێراق کاردەکات بۆ تۆمارکردنی ناو و زانیارییەکانی ئەو پەنابەرانەی داوای مافی پەنابەرێتی دەکەن، بەگوێرەی ستاندارد و یاسا نێودەوڵەتیەکانی تایبەت بە پەناخوازان.

 

ریکخراوەکە وتوشیەتی: بەبێ جیاوازی هاوکاری راستەخۆ پێشکەشی هەموو ئەو پەنابەرانە دەکەن، کە لە هەرێمی کوردستان و عێراقن، هاوکارییەکانیش بریتین لە، خزمەتگوزارییەکانی پارستن، هاوکاری دارایی و یاسایی.

 

ئەو رێکخراوە وتوشیەتی: پشتیوانی دامەزراوەکانی حکومەتی هه‌رێمی كوردستان دەکەین بۆ دابینکردنی خزمەتگوزارییە گشتییەکان بۆ پەنابەران وەك، خزمەتگوزاری تەندروستی، پەروەردە، ئاو و کارەبا.

بابەتی پەیوەندیدار

Back to top button