لە کەرکوک ئۆپەڕاسیۆنێکی فراوان لە دژی داعش بەڕێوەدەچێت

لڤین:

هێزە هاوبەشەکانی عێراق لە سنووری پارێزگای کەرکوک لە سێ قۆڵەوە دەستیان بە ئۆپەڕاسیۆنێکی فراوان لە دژی پاشماوەکانی داعش کردووە.

شانەی ڕاگەیاندنی ئەمنی عێراق لە راگەیەنراوێکیدا ئاشکرایکرد، بەرەبەیانی ئەمڕۆ هێزە ئەمنییەکانی سەر بە بارەگای فەرماندەیی ئۆپەراسیۆنە هاوبەشەکان لە کەرکوک دەستیان کرد بە ئۆپەراسیۆنێکی فراوان لە سێ قۆڵەوە بۆ لەناوبردن و راوەدوونانی چەکدارانی داعش لە ناوچەکە.

شانەی ڕاگەیاندنی ئەمنی عێراق، ڕوونیشیکردوەتەوە قۆڵی یەکەم تایبەتە بە تیپیی هەشت و لیوای 45 بە هاوبەشی هێزی تایبەت و فەوجی هەواڵگری لە بارەگای کەرکوک بۆ پشکنینی دۆڵی شای، قۆڵی دووەمیش تایبەتە بە تیپی پێنجی پۆلیسی فیدڕاڵی و لیوای کردە تایبەتەکان بۆ پشکنین و راوەدوونانی چەکدارانی داعش لە دۆڵی زغیتون.

هەروەها قۆڵی سێیەمیش تایبەت دەبێت بە حەشدی شەعبی و لە گوندی سادە دەستپێدەکات بۆ گوندی عەسریە.

لە ڕاگەیەندراوەکەدا شانەی راگەیاندن باسی لەوەشکرد، فڕۆکە جەنگییەکان و هێزی ئاسمانیی عێراق پشتیوانی ئۆپەراسیۆنەکە دەکەن.

بابەتی پەیوەندیدار

Back to top button