کەسێک کە چەک و کامێرای نهێنی بە نایاسایی فرۆشتووە دەستگیرکرا

لڤین:

پۆلیسی سلێمانی بڵاویکردەوە تۆمەتبارێكیان دەستگیركردووە كە چەند پارچە چەكێكی نایاسایی ‌و كامێرای نهێنی نایاسایی هێنابووە شاری سلێمانی‌و بەنیاز بووە ساغی بكاتەوە.

 

پۆلسی سلێمانی لە راگەیەندراوێکدا بڵاویکردەوە “دوای ئەوەی زانیاری گەیشتە هێزەكانی پۆلیس لەسەر تۆمەتبارێك كە چەكی نایاسایی‌و بێ مۆڵەت‌و كامێرایی چاودێریی نایاسایی هێناوەتە شاری سلێمانی، مەفرەزەكانی بنكەی پۆلیسی رزگاری لێكۆڵینەوەكانیان دەستپێكرد”.

 

پۆلیس ئەوەشی ئاشکراکردووە پاش وەرگرتنی بڕیاری دادوەر توانراوە تۆمەتبارەكە بدۆزرێتەوە و دەستگیربكرێت‌و دەستیش بگیرێت بەسەر چەند چەكێكی بێ مۆڵەتی نایاسایی‌و كامێرای چاودێری نهێنیدا.

 

هاوکات لەگەڵ دەستگیرکردنیدا دەستیشگیراوە بەسەر ئوتۆمبێلی تۆمەتبارەکەدا و “لەئێستادا تۆمەتبار (م، ع، ح، لەدایكبووی 1977) دانیشتوی قەزای ڕانیە بەبڕیاری دادوەر ڕاگیراوە و لێكۆڵینەوە لەگەڵیدا بەردەوامە”.

بابەتی پەیوەندیدار

Back to top button