بۆ پاراستنی چیای ئەزمڕ و گۆیژە قائیمقامیەتی سلێمانی چەند بڕیارێکی نوێی دەرکرد
لڤین:
قائمقامیەتی سلێمانی، لە راگەیەندراوێکدا کە لە هەژماری فەرمی خۆی لە تۆڕی کۆمەڵایەتی فەیس بووک، بڵاویکردەوە ڕایگەیاندووە،” ئەمڕۆ ( دووشەممە ١٧ی ئایاری ٢٠٢١ )، لە دیوانی قائیمقامیەتی سلێمانی بە ئامانجی پاراستنی چیای ئەزمڕ و گۆیژە لەئەگەری سوتان و زیان گەیاندن بە ژینگە و سروشتی ناوچەکە، ئاوات محەمەد قائیمقامی سلێمانی لەگەڵ بەڕێوەبەری فەرمانگە ئەمنی و خزمەتگوزارییەکانی سلێمانی کۆبووەتەوە و رایگەیاندووە،” بەهەوڵی دامەزراوەکانی حکومەت و کۆمپانیاکانی کەرتی تایبەت و رێکخراوەکان لە سلێمانی لە ماوەی چەند مانگی رابروودا، رووبەری ٨٠٠ دۆنم زەوی سەوز کراوە و نزیکەی ١٠٠ هەزار نەمام لە چیاکە رووێنراوە، ئەمە جگە لەو هەزاران دارەی کە خۆی لە چیاکەدا هەیە.”
ئاماژەی بەوەشکردووە کە هەر لە کۆبوونەوەکەدا، دوای هەڵسەنگاندن و تاوتوێکرنی بژاردەکان بۆ پاراستنی چیاکە بڕیاری جێبەجێکردنی ئەو خاڵانەی خوارەوە دراوە و قائیمقامی سلێمانیش رایگەیاندووە، هەر کەسێک پابەند نەبێت رووبەرووی رێکار و سزای یاسایی دەکرێتەوە:
١ .لەزووترین کاتدا دەست دەکرێت بە ئاگر بڕ بۆ پاراستنی ئەزمڕ و گۆیژە بە ئامانجی رێگریکردن لە ئاگرکەوتنەوە و زیان گەیاندن بە دارو ژینگەی چیاکە.
٢ .کۆشک و خواردنگەکانی سەرچیاکە پێویستە مۆڵەتی رێگەپێدانی دامەزراوە پەیوەندیدارەکانیان هەبێت و پابەند دەکرێن بە مەرج و رێنماییەکانی کارکردن.
٣ . مانەوەی گەشتیار و هاوڵاتی لە شەواندا تاکو بەیانی و خەوتن لە چیاکە قەدەغەیە.
٤ .ئاگرکردنەوە لەسەر چیاکە بەهەموو شێوەیەک قەدەغەیە.
٥ .تیمەکانی بەرگری شارستانی لە ئامادەیی تەواودا دەبن بۆ رێگری لە سوتانی چیاکەو ئەگەری ئاگر کەوتنەوە.
٦ .تیمی هێزە ئەمنییەکان لە ئاسایش و پۆلیس و هاتووچۆ بڕیارەکان جێبەجێ دەکەن.
٧ .داوا لە دەزگاکانی راگەیاندن دەکەین لە بڵاوکردنەوەی هەڵمەتێکی فراوانی هۆشیارکردنەوە بۆ پاراستنی ژینگە و سروشتی شوێنە گەشتیارییەکانی سلێمانی هاوکارمان بن.
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21