سەبارەت بە دەستپێکردنەوەی خوێندن ڕوونکردنەوە دەدرێت

لڤین:

بەڕێوەبەرایەتی پەروەردەی كەلار، ڕاگەیەندراوێكی لەبارەی دەستپێكردنەوەی پرۆسەی خوێندنی ناو پۆل، بڵاو کردەوە و ڕایگەیاندووە،” دوا بەدوای پەیامی وەزیری پەروەردەی حكومەتی هەرێمی كوردستان بۆ دەزگاكانی ڕاگەیاندن تایبەت بە دووبارە كردنەوەی قوتابخانە و خوێندنگاكان و دەستپێكردنەوەی خوێندنی قوتابیان و خوێندكاران لە ناو پۆلدا لە رۆژی یەكشەممە ٢٠٢١⁄٥⁄١٦ دەست پێدەكات بۆ پۆلەكانی 1 تاكو 11 (جگە لە باخچەی منداڵان كە بەداخراوی دەمێنیتەوە)”.

لە بەشێکی تری ڕاگەیەندراوەکەدا هاتووە،” پێویستە كارگێڕی ناوەندەكانی خوێندن ڕەچاوی ئەم خاڵانەی خوارەوە بكەن:

١- رۆژی شەممە ٢٠٢١⁄٥⁄١٥ ئامادەسازی بكرێت لە پاككردنەوەی قوتابخانەكان و ڕێكخستنی پۆلەكان و ئاگاداركردنەوەی مامۆستایان و قوتابیان لە كات و رۆژی دەوامی قوتابخانە .

٢- دابەشكردنی بەشەوانەكان و پرۆگرامی ڕێكخراو و كوتكراوە لە لایەن وەزارەتی پەروەردە بەسەر مامۆستایان .

٣- دیاریكردنی رۆژانی دەوام و كاتەكەی بۆ قوتابیان و خوێندكاران و مامۆستایان كە بە (تناوب) واتە رۆژێك نا رۆژێك دەبێت و قوتابی و خوێندكار تەنها 3 رۆژ لە هەفتەیەكدا دەخوێنێت .

٤- دابینكردن و كڕینی پێداویستییەكانی قوتابخانە و خوێندنگا و خۆپارێزی تەندروستی لە بڕە پارەی تەرخانكراو لەلایەن حكومەتی هەرێمی كوردستان بۆ كارگێری ناوەندەكانی خوێندن .

٥- ٢٠٢١⁄٦⁄٢٢ ئەزموونەكانی كۆتایی ساڵ دەست پێ بكات و سەرەتای مانگی هاوین كۆتایی بەپرۆسەی خوێندنی 2020ـ2021 بێت.

بابەتی پەیوەندیدار

Back to top button