بەهۆی ڕووداوێكی هاتوچۆوە ١٤ هاووڵاتی گیانیان لەدەستدا

لڤین:

لە ڕاگەیەندراوێکدا، فەرمانگەی بەرگری شارستانی پارێزگای موسەننای باشووری عێراق، بڵاویكردۆتەوە،”شەوی رابردوو لەسەر ڕێگەی گشتی شارەكە ڕووداوێكی هاتوچۆ ڕوویداوە لەنێوان پاسێك و ئۆتۆمبێلێك و لەئەنجامیشدا پاسەكە ئاگری گرتووەو بەهۆیەوە ( ١٤ ) كەس لە سەرنشینەكانی ناوی بەتەواوی سووتاون و (3) كەسیش ڕزگار كراون”.

لە بەشێکی تری ڕاگەیەندراوەکەدا هاتووە،”ئەوان بۆ ڕزگار كردنی سەرنشینەكان زۆر هۆكاریان بەكارهێناوە، وەك بڕینەوەی ئۆتۆمبێلەكان”.

ئاماژە بەوەیش دراوە کە،”دوای دەرهێنانی تەرمی سووتاوەكان ڕەوانەی پزیشكی دادوەری شارەكە كراوە بۆ گرتەبەری ڕێو شوێنە یاساییەكان و رادەستكردنەوەیان بەكەس و كارەكانیان و بریندارەكانیش رەوانەی نەخۆشخانەكان كراون”.

بابەتی پەیوەندیدار

Back to top button