لێبڕینی مووچە لە پرۆژە یاسای بوودجە جێگیر دەکرێت

لڤین:

لە بابەتێکدا لە هەژماری فەرمی خۆی لە تۆڕی کۆمەڵایەتی فەیس بووک، بڵاویکردووەتەوە، شوان بەرزنجی رۆژنامەنووسی نزیک لە پارتی، ڕایگەیاندووە،” سەرچاوەیەك پێی ڕاگەیاندووە، لە پڕۆژەی بودجەی ( ٢٠٢١ ) ی هەرێمی كوردستاندا مووچە بە لێبڕین دەبێ، بەڵام جارێ ڕێژەكە دیاری نەكراوەو چاوەڕوانی یەكلایی بوونەوەی ئەو بڕە پارەیە دەكرێ كە وەكوو بەشە بودجەی هەرێمی كوردستان لەبەغداوە دێ”.

هەروەها نوسیویەتی،”سەرچاوەكە ئەوەی ئاشكراكردووە، ئەگەر پارەكەی بەغداش بێ، لێبڕینی مووچە بە ڕێژەیەك دەبێ كە لە نێوانی ( ١٠ % ) كەمتر نەبێ و ( ١٥% ) زیاتریش نەبێ”.

هەروەها ڕوونیکردووەتەوە کە،”بەپێی زانیاری سەرچاوەیەكی ئاگادار لەنێو پڕۆژەی بودجەكەدا كە وەزارەتی دارایی پەسەندی كردووە ڕێژەی لێبڕینی مووچە دیاریكراوە، بەڵام تاوەكوو لە كۆبوونەوەی ئەنجوومەنی وەزیران پەسەند نەكرێ ڕێژەكە یەكلایی نابێتەوە”.

لە کۆتایدا ڕایگەیاندووە،”چاوەڕوان دەكرێ تاوەكوو ( ١ / ٦ / ٢٠٢١ ) بڕیارە ئەو پرسە یەكلایی بێتەوەو پڕۆژەی بودجە بنێردرێتە پەرلەمانی كوردستان”.

بابەتی پەیوەندیدار

Back to top button