دوو كەس لەسەر كوژرانی گەنجەكه‌ی حاجیاوا دەستگیركراون

لڤین:

شۆڕش ئیسماعیل، وتەبێژی پۆلیسی راپەڕین، لە لێدوانێکیدا بۆ میدیاکان، رایگەیاند،”سەرهەنگ لەبەردەم ماڵەكەی خۆی كوژرا، پۆلیسی حاجیاوا و ماكۆك لێكۆڵینەوەیان لە رووداوەكە كرد و بە سوود وەرگرتن لە كامێراكانی چاودێری توانرا تۆمەتبارێك بەناوی (س.ا.ا) دەستگیربكرێت كە خزمی گەنجەكەیە”.

سەبارەت بە چۆنیەتی ڕوودانیی ڕووداوەکە، وتیشی،” بەڵگەكان دەیسەلمێنن پێش رووداوی كوشتنەكە تۆمەتبارەكە بەرنامەی بۆ سەرهەنگ داناوە و ١١ خولەك پێش رووداوەكە بە ئۆتۆمبێلكێك چاوەڕێی سەرهەنگی كردووە و دواتر گوللەی لێداوە و كوشتوویەتی”،

لە کۆتایی لێدوانەکەیدا،شۆڕش ئیسماعیل ئاشکرای کرد، “جگە لەو كەسەی كە تۆمەتبارە بە كوشتنی گەنجەكە، خەسووی سەرهەنگ لە رووداوەكە تێوەگلاوە و ئەویش بە بڕیاری دادگە راگیراوە و لێكۆڵینەوەش لەسەر رووداوەكە بەردەوامە.”

شەوی ( چوارشەممە، ٢١ی نیسانی ٢٠٢١ ) لە گەڕەكی دابانی ناحیەی حاجیاوای سەر بە قەزای رانیە گەنجێكی تەمەن ( ٣٣ ) ساڵ لەبەردەم ماڵەکەی خۆیی درایە بەر دەستڕێژی گوللە و دەستبەجێ گیانی لەدەستدا.

بابەتی پەیوەندیدار

Back to top button