پەخشی ٣٠ كەناڵی تەلەفزیۆنی رادەگیرێت

لڤین:

ئەیاد نەقیب حان ئاڤدەل، بەڕێوەبەری راگەیاندن و چاب و بڵاوكردنەوەی هەولێر، لە نوسراوێكدا كە ئاڕاستەی “سەرجەم كەناڵە بێ مۆڵەتەكان”ی سنوری پارێزگای دهۆكی كردوە، رایگەیاندوە،” بەپێی خاڵی دوی بڕگەی ١ی ماددەی پێنج لە رێنمایییەكانی وەزارەتی رۆشنبیری ژمارە ١ی ساڵی ٢٠١٤، بەهیچ شێوەیەك نابێت هیچ كەناڵێك بێ مۆڵەت كاربكات، بۆیە ئاگادارتان دەكەینەوە كە پەخشی كەناڵەكانتان رابگرن تاوەكو مامەڵەی مۆڵەتی یاسایی تەواو دەكەن”.

بەگوێرەی نوسراوەكە، ژمارەی ئەو كەناڵە بێ مۆڵەتانە ٣٠ كەناڵی تەلەفزیۆنییەو پێكدێن لە،” (نیوماكس تی ڤی3، نیبه‌ر، بەفرین، هه‌ڤره‌نگ، نوبار، تاڤ، ئۆرسات، سه‌ما، سیما، كانی، ئاقڵ، یه‌كگرتو، بادینان، هه‌ست، بیلان، كە‌لا ئاكرێ، رڤند، یاد، هێڤان، ده‌ڤه‌ر، شیلادزێ، زاوا، نیروژ، هێڤا دیكۆمێنتاری، نویده‌م، ئازادی هه‌ركی، ئامه‌د تی ڤی 2، داسنیا، ئەی تی ڤی، ئێم تی ڤی)”.

بەڕێوەبەری راگەیاندن و چاپ و بڵاوكردنەوەی دهۆك هۆشداریشی داوەتە ئەو كەناڵانە كە لەدوای نوسراوەكەیەوە، هەر كەناڵێكیان بەردەوام بێت لە پەخش رێكاری یاسایی بەرامبەر دەگرنەبەر.