بەتۆمەتی ساغكردنەوەو مامەڵەکردن بەدراوی ساختەوە دوو تۆمەتبار دەستگیركران

لڤین:

بەڕێوەبەرایەتی پۆلیسی پارێزگای سلێمانی، لە هەژماری فەرمی خۆی لە تۆڕی کۆمەڵایەتی فەیس بووک، ڕایگەیاندووە،” مەفرەزەكانی بەشی پۆلیسی پێنجوێن دوو تۆمەتباریان دەستگیركرد كە دراوی ساختەیان پێبووەو ویستویانە ساغی بكەنەوە”.

لە بەشیکی تری ڕاگەیەندراوەکەدا هاتوە،”دوای ئەوەی زانیاری گەیشتە مەفرەزەكانی بەشی پۆلیسی پێنجوێن كە تۆمەتبارێك لەناو بازاڕی قەزای پێنجوێن دراوی ساختەی پێیەو بەنیازە ساغی بكاتەوەو مامەڵەی پێوە بکات، پۆلیسی پێنجوێن لێكۆڵینەوەكانی دەستپێكردوو دوای وەرگرتنی بریاری بەڕێز دادوەر، توانرا تۆمەتبار (ك، ح، ف) تەمەن 20 ساڵ دەستگیربكرێت و دەستیش بگیرێت بەسەر بڕێك دراوی ساختەی عێراقی و دۆلار کە بەتۆمەتبار بووە”.

لە بەشێکی تری ڕاگەیەندراوەکەدا هاتووە،”لەئێستادا تۆمەتبار بەبڕیاری بەڕێز دادوەر ڕاگیراوەو دانی ناوە بەتاوانەكەیداو لێكۆڵینەوە لەگەڵیدا بەردەوامە.
لەسەر هەمان دۆسیەو بەبڕیاری بەڕێز دادوەر، تۆمەتبارێكی دیکە بەناوی (ك، ل، ر) دەستگیركراوەو لێكۆڵینەوەكان بەردەوامن.

بابەتی پەیوەندیدار

Back to top button