مەسرور بارزانی:

ئابووری كوردستان به‌ره‌وپێش ده‌چێت

لڤین:

مه‌سرور بارزانی، سه‌رۆكی حكومه‌تی هه‌رێمی كوردستان، له‌ رێوڕه‌سمێكدا پڕۆژه‌ی گه‌شتیاری ته‌له‌فریكی “چیای زاوا”ی له‌ شاری دهۆك كرده‌وه‌.

سەرۆکی حکومەتی هەرێم،لە بەشێکی وتارەکەیدا ڕایگەیاند،”له‌ به‌رنامه‌ی حكومه‌ت دوو ئامانجی سه‌ره‌كیمان هه‌بوو، یه‌كێكیان چاكسازی و ئه‌وی دیكه‌ش هه‌مه‌جۆركردنی ئابووری كوردستان”.

ئاماژەی بەوەیشدا،”له‌ هه‌مه‌جۆركردنی ئابووری كوردستان، هه‌موو هه‌وڵێك بۆ ئه‌وه‌ ده‌ده‌ین پڕۆژه‌ی گه‌شتیاری له‌گه‌ڵ به‌رنامه‌ی دیكه‌ی ئابووری، وه‌كو كشتوكاڵ و پشه‌سازی جێبه‌جێ بكه‌ین، بۆ ئه‌وه‌ی سه‌رچاوه‌ی داهات له‌ كوردستان زیاتر بێت و ناچار نه‌بین ته‌نیا پشت به‌ یه‌ك سه‌رچاوه‌ی داهات ببه‌ستین”.

سەبارەت بە ئامنجی دووەمی حکومەتی هەرێم ڕایگەیاند،”له‌ حكومه‌تی هه‌رێمی كوردستان دەستمان بە به‌رنامه‌ی چاكسازی كردووه‌ و به‌رده‌وام ده‌بین، زۆر ئاسته‌نگ دروست ده‌كرێن بۆ حكومه‌ت و كابینه‌ی نۆیه‌م، بۆ ئه‌وه‌ی چاكسازی جێبه‌جێ نه‌كرێت، به‌ڵام به‌رده‌وام ده‌بین و به‌ پشتیوانی خوا و ئێوه‌، هیچ كه‌سێك ناتوانێت رامانبگرێت”.

ووتیشی،”راسته‌ ئاسته‌نگه‌كان زۆرن، ره‌نگه‌ به‌رژه‌وه‌ندی هه‌ندێك كه‌س له‌گه‌ڵ ئه‌وه‌دا نه‌بێت چاكسازی راسته‌قینه‌ له‌ هه‌رێمی كوردستان ئه‌نجام بدرێت، به‌ڵام حه‌ز ده‌كه‌م هه‌مووان بزانن، ئه‌وه‌ی كردوومانه‌ به‌ بیروباوه‌ڕه‌وه‌ كردوومانه‌، خۆم بڕوای ته‌واوم به‌ پشتیوانی ئێوه‌ هه‌یه‌ وه‌كو خه‌ڵكی كوردستان. بۆ ئه‌وه‌ی له‌ جێبه‌جێكردنی به‌رنامه‌ی چاكسازی به‌رده‌وام بین، من خۆم چاوه‌ڕوانی پشتیوانی هه‌موو لایه‌ك و خه‌ڵكی كوردستان ده‌كه‌م”.

جەختی لەوەیش کردەوە کە،”ساڵێكی ناخۆشمان به‌ڕێكرد، له‌ بڵاوبوونه‌وه‌ی په‌تای كۆرۆنا و دابه‌زینی نرخی نه‌وت، باری ئابووری تێكچوو و كاریگه‌رییه‌كی خراپی هه‌بوو له‌سه‌ر هه‌رێمی كوردستان و ژیانی هاووڵاتیان، له‌جێی خۆیدایه‌، سوپاسی خه‌ڵكی دهۆك و هه‌موو هه‌رێمی كوردستان بكه‌م، كه‌ خۆڕاگربوون و بڕوا و متمانه‌ی خۆیان به‌ هه‌رێمی كوردستان و كابینه‌ی حكومه‌ت به‌رنه‌داوه‌. سه‌ره‌ڕای ئه‌وه‌ش ئه‌وه بووه‌‌ (١١) مانگ، حكومه‌تی عێراق بودجه‌ی هه‌رێمی كوردستانی نه‌ناردووه‌، به‌ڵام ئێمه‌ به‌رده‌وام ده‌بین و ده‌سته‌وه‌ستان نابین له‌جێبه‌جێكردنی پڕۆژه‌كان، له‌ سه‌رتاسه‌ری هه‌رێمی كوردستانیش پڕۆژه‌ی ستراتیژیمان ده‌بێت”.

دڵنیایشی دا کە،”حه‌ز ده‌كه‌م دڵنیا بن له‌ داهاتوودا ره‌وشی هه‌رێمی كوردستان زۆر به‌ره‌و باشتر ده‌چێت، ئابووری كوردستان به‌ره‌وپێش ده‌چێت، بۆیه‌ پێویستمان به‌ پشتیوانی و به‌شداری ئێوه‌ ده‌بێت، چ وه‌ك هاووڵاتی و وه‌ك كه‌رتی تایبه‌ت و حكومه‌ت، بۆ ئه‌وه‌ی كوردستان به‌ره‌و پێشتر ببه‌ین”.

لە کۆتایدا ڕایگەیاند،”سه‌قامگیریی ئه‌منی و سیاسی گرنگه‌، له‌گه‌ڵ ئه‌وه‌ی سه‌قامگیریی سیاسی له‌ هه‌رێمی كوردستان بپارێزرێت، سه‌قامگیری و ئاسایشی كوردستانیش ده‌بێت بپارێزرێت، هه‌موو شتێك ده‌كه‌ین بۆ ئه‌و مه‌به‌سته‌”.



Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4

Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6

Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7

Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22

Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21

بابەتی پەیوەندیدار

Back to top button