شەڕەتەقەی دوو ئامۆزا شەش بریندار و کوژراوی لێکەوتەوە
لڤین:
لە ئەنجامی شەڕەتەقەی دوو ماڵ کە ئامۆزای یەکتری بوون دوو کەس گیانیان لەدەستدا و چوار کەسی دیکەش برینداربوون.
درەنگانی شەوی رابردوو له‌ناحیەی کەلەکچی سه‌ر به‌پارێزگاى دهۆک شەڕە تەقە لەنێوان دوو ماڵ ڕوویدا كه ئامۆزاى یه‌كترن.
بەهۆی ئەو شەڕەوە دوو کەس کوژراون کە هاوسەری یەکترین و پیاوەکە تەمەنی 45 ساڵە و هاوسەرەکەشی تەمەنی 42 ساڵە.
هەر لەو رووداوەدا چوار کەسی دیکە برینداربوون کە گەیەندراونەتە نەخۆشخانە بۆ وەرگرتنی چارەسەری پێویست.
