ڕێکخستنەوەی باج دەبێتە کێشەی نێوان هەرێم و بەغدا

لڤین:

کەمال وەرتی، بەڕێوەبەری گشتی باج و دەراماتەکانی سەر بەوەزارەتی دارایی حکومەتی هەرێمی کوردستان، لە ڕونکردنەوەیەکی ڤیدیۆییدا، ڕایگەیاندووە” بەهیچ شێوەیەک باجیان زیاد نەکردووە چونکە بە گوێرەی یاساو بەپێی مادەی ( ٢٨ ) ی دەستوری عێراق (باج بەیاسا ڕێکدەخرێت) هەر هەموار کردن و گۆڕانکاری و زیادو کەمکردنێکیش دەبێت بەیاسا بێت”.

لە درێژەی لێدوانەکەیدا بەڕێوبەرەکەی باج، ئاماژەی بەوەداوە کە “حکومەتی فیدراڵی داوادەکات یاساکانی باج وەکو ئەوانی لێبکرێت ئەوەش ئێستا بووەتە کێشە لەنێوان هەردوولا، هەرچەندە ئێمە بەهیچ جۆرێک باجمان زیاد نەکردووەو ئەوەی کراوە بۆ ڕێکخستنەوەی باجە”.

سەبارەت بە زیاد کردنی باج لەلایەن حکومەتی هەرێمەوە، دەڵێت”بەهیچ جۆرێک ئامانجی حکومەتی هەرێم زیادکردنی باج و قورسکردنی ئەرکی سەرشانی خەڵک نییە بەڵکو ڕێکخستنەوەیەتی بۆ ئەو کەسانەی پابەندی یاسای باج نەبوون”.

بەپێی مادەی ( ١١ ) پرۆژە یاساى بودجەى سالی ( ٢٠٢١ ) ی عێراق، لە چوارچێوەى پابەندییە داراییەکانى هەرێم بۆ وەرگرتنى بەشە بودجەکەى پێویستە نرخی ( ٢٥٠ ) هەزار بەرمیل نەوت، و نیوەى داهاتى باجى هەرێم مانگانە رادەستى بەغدا بکرێت، بەڵام هێشتا میکانیزمى پێدانى ئەو داهاتە دیارینەکراوە و هەردوولا پشت بە یاسا و رێنمایی نوێ دەبەستن بۆ وەرگرتنى باج.

بابەتی پەیوەندیدار

Back to top button