دیندار زێباری:دەسەڵاتى دادوەرى لە هەرێمى کوردستان سەربەخۆیە

لڤین:

دیندار زێباری دەڵێت،دەسەڵاتى دادوەرى لە هەرێمى کوردستان سەربەخۆیە و بڕوای تەواوم بەدادگاکان هەیە، شتێک نییە بە ناوی گیراوەکانی بادینان، ئەمە کەیسی چەند کەسێکە کە لە دادگا تاوانبار بوون و حکومەت تەنها لایەنی جێبەجێکارە..

دیندار زێباری، رێکخەری راسپاردە نێودەوڵەتییەکان حکومەتی ھەرێمى کوردستان لە کۆنگرەیەکى ڕۆژنامەوانیدا لە بارەى پلانى نیشتمانى مافەکانى مرۆڤ و ئامرازەکانى جێبەجێکردنى ڕایگەیاند، هەرێمى کوردستان لە چوارچێوەى پلانە نێو دەوڵەتیەکان هەماهەنگێکى باشى حکومەتى عێراق بوە و پلانەکە بۆ ئێمە گرنگە.

ئاماژەی بەوەکرد، لە چوارچێوەى ئەو پلانە نیشتمانیەیى بەغدا ئێمەش پلانى خۆمان دەبێت لەسەر ئەو بنەمایانەى کە حکومەتى هەرێمى لەسەر دامەزراوە و ئەوەش دانانى ئەو پلانەش هەنگاوێکى پێشکەوتوە و یەکەم جارە لە عێراق و هەرێمى کوردستان ئەوە بسەلمێنێت لە چوار چێوەى یەک دەوڵەتدا کێشەکان چارەسەر بکات.

لە بارەى سزا دراوانى بادینانەوە، دیندار زێباری، رێکخەری راسپاردە نێودەوڵەتییەکان لە حکومەتی ھەرێمى کوردستان، ڕایگەیاند، شتێک نییە بە ناوی گیراوەکانی بادینان، ئەمە کەیسی چەند کەسێکە کە لە دادگا تاوانبار بوون و حکومەت تەنها لایەنی جێبەجێکارە.

وتیشى:ئەوە پەیوەندى بە حکومەتەوە نیە و حکومەت تەنها لایەنى جێبەجیکارە و ئێمەباوەڕى تەواومان بە دادگاکان هەیە، دەسەڵاتى دادوەرى لە هەرێمى کوردستان سەربەخۆیە.