داعش لە کەرکوک هێرشی کرد و 4 سەرباز کوژران و برینداربوون
لڤین:
لە سنووری کەرکوک داعش هێرشی کردە سەر سوپای عێراق و لە ئەنجامدا سەربازێکی سوپا کوژرا و سێ سەربازی دیکەش برینداربوون.
درەنگانێکی شەوی ڕابردوو لە نزیک شارۆچکەی دووبزی سنوری پارێزگای کەرکوک، چەکدارانی داعش بە چەکی قەناس هێرشییانکردە سەر خاڵێکی پشکنینی سوپای عێراق و ڕووبەڕوو بوونەوە دروستبوو، لە ئەنجامدا سەربازێک کوژرا و سێ سەربازی دیکەش برینداربوون.
هێرشەکەی ئەمشەوی چەکدارانی داعش بۆسەر سوپای عێراق لە کاتێکدایە، داعش پەلاماردانەکانی چڕ کردوەتەوە و لە ماوەی هەفتەی ڕابردوودا، جگە لە هێرشەکەی سەر پێشمەرگە لە پردێ، چەندین هێرشی هاوشێوەیان لە سنوری کەرکوک ئەنجامداوە کە دواترینیان پێش هێرشەکەی ئەمشەو، پەلاماردانی کێڵگەی نەوتی بای حەسەن بوو لەو شارە.
