بەهۆی تەقینەوەیەك لە ئەفغانستان ٢٧ كەس کوژرا

لڤین:

ئەمڕۆ هەینی ( ٣٠ی نیسانی ٢٠٢١ )، میدیاكانی ئەفغانستان بڵاویانكردەوە، لەئەنجامی تەقینەوەیەكی بەهێز لە هەرێمی لۆگاری لە خۆرهەڵاتی ئەو وڵاتە، ( ٢٧ ) كەس گیانیان لەدەستداو زیاتر لە ( ٦٠ ) كەسی دیكەش بریندار بوون.

لە بەشێکی تری هەواڵەکەدا هاتووە، بەگوێرەی سەرچاوە ئەمنییەكانی ئەفغانستان، تەقینەوەكە بەهۆی ئۆتۆمبیلێكی بۆمبڕێژكراوەوە بووە، كە لەسەنتەری شاری بل عالەم ( پایتەختی هەرێمی لۆگاری ) تەقیوەتەوە، تائێستاش دەیان هاووڵاتی دیكە لەژێر داروپەردووی ئەو باڵەخانەیەی كە تەقینەوەكەی لەبەردەمدا روویداوە، ماونەتەوەو چارەنووسیان نادیارە.

جێگای ئاماژە پێدانە تەقینەوەكە لەدوای رۆژێك لە دەستپێكردنی كشانەوەی هێزەكانی ناتۆ دێت، كە بڕیاریانداوە بەشێوەیەكی پلان بۆداڕێژراو سەرجەم هێزەكانیان لە ئەفغانستان بكشێننەوەو بەیەكجاریی كۆتایی بە مانەوەی سەربازییان لەو وڵاتە بهێنن.

بابەتی پەیوەندیدار

زیاتر بخوێنەوە
Close
Back to top button