بەفەرمانی بارزانی بانگکراون ، سێ بەرپرسی پارتی لەسەر ڕوداوەکەی شنگال لەئوتێلێکدا دەستبەسەرن
بارزانی

لەسەر ئەو كارەساتەی بەسەر خەڵكی شنگال هات، سێ‌ بەرپرسی پارتی بانگكراون بۆ پیرمام و تاوەكو ئێستا ئایندەیان دیار نییە بەرپرسێكی باڵای پارتیش دەڵێ "جگە لەو سێ كەسە بەرپرسی دیكەش هەن كە لەسەر رووداوەكانی شنگال دەبرێن بۆ پیرمام".

هەفتەنامەی ڕوداوی پارتی دیموکراتی کوردستان بڵاویکردوەتەوە"هەریەك لە لیوا سەعید كێستەیی، بەرپرسی سوپای یەك كە تاوەكو سێی ئەم مانگە سوپاكەی لە شنگال بوو،  شەوكەت كانیكی، بەڕێوەبەری ئاسایشی شنگال و سەربەست بابیری، بەرپرسی لقی 17ی پارتی لە شنگال، ئێستا لە پیرمامن، شوێنی بڕیاردانی پارتی و لەژێر لێكۆڵینەوەدان".

شەوكەت كانیكی، لەبارەی بانگكردنیان بۆ ئەوێ بەڕۆژنامەکەی وتووە"مانەوەی ئێمە لە پیرمام بۆ ئەوەیە لەگەڵ سەرۆك بارزانی و لێژنەی لێكۆڵینەوە لە رووداوەكانی شنگال كۆببینەوە".

ڕۆژنامەکە لە زاری سەرچاوەیەکەوە بڵاویکردوەتەوە"بارزانی زۆر بە وردی بەدواداچوون بۆ رووداوەكانی شنگال دەكات و هەر زوو بەرپرسی لقی 17ی پارتی لە پۆستەكەی لادا".
باسی لەوەشکردوە "لەسەر فەرمانی بارزانی ئەو سێ‌ بەرپرسەی پارتی بانگ كراون بۆ پیرمام و ئێستا لە ژێر لێكۆڵینەوەدان".

ئەو سەرچاوەیە ئەوەشی وتووە ‌"جگە لەو سێ بەرپرسە،‌ ژمارەیەكی دیكە بەرپرسی سەربازی لەسەر رووداوەكانی شنگال لە زووترین كاتدا بەرەو پیرمام رادەكێشرێن بۆ ئەوەی لێكۆڵینەوەیان لەگەڵ بكرێ".

شەوكەت كانیكی،‌ رەتیدەكاتەوە كە ئەوان لە پیرمام دەستبەسەربن، وتویەتی "چەند رۆژێكە لێرە چاوەڕێی دیداری سەرۆك بارزانی و لێژنەی لێكۆڵینەوەین لەسەر رووداوەكانی شنگال، كە هەموو كەس دەزانێ چی روویداوەو هیچ شتێك ئیدی ناشاردرێتەوە".

لەبارەی فەرمانەکەی بارزانییەوە بێ ئاگای خۆی دەربڕیوە بەڵام ئەوەی وتووە"هەر بڕیارێك بدات ملی ئێمە لەبەر چەقۆی ئەوە".

لیوا سەعید كێستەیی، بەرپرسی سوپای یەكی پێشمەرگە لە هێزەكانی زێرەڤانی كە بانگكراوە بۆ پیرمام، بەڕۆژنامەکەی وتووە "ئێمە هەر كاتێ بمانەوێ دەچینە هوتێل و نان دەخۆین".
بەڵام قسەی زیاتری نەكردوە كە ئایا ئازادن لەوەی بچن بۆ هەر شارێك یان بازاڕ بكەن و دەڵێ "لە زینداندا نین، چاوەڕێین سەرۆك بارزانی ببینین".

سەبارەت بە سەربەست بابیری، بەرپرسی لقی شنگالیش ئێستا نە جێگای دیارە و نە تەلەفۆنەكانی بەردەستن، هەوڵدراوە لە رێگەی سەعید كێستەیی و شەوكەت كانیكی بزانرێت ئایا ئەویش لەگەڵ ئەوان لە پیرمامە یان نا، بەڵام هیچ زانیارییەك لەسەر جێگەی سەربەست بابیری ئاشكرا نەبوو.

بەرپرسێكی باڵای پارتی كە نەیویست ناوی بڵاوبكرێتەوە، لەبارەی ئەو رێكارانەی كە سەركردایەتی پارتی بەرامبەر بەرپرسانی پارتی دەیگرێتە بەر كاتێك كەمتەرخەمی دەكەن لە كارەكانیان، وتی "هەر كەسێك لە نێو پارتیدا كارەكانی خۆی بە باشی نەكات و حیزب بڕیاری سزادانی بدات، سەرەتا بۆ پیرمام بانگ دەكرێ. راستە ئەوان لە نێو زینداندا نین، بەڵام مامەڵەكردن لەگەڵیان وەكو مامەڵەی كەسێكە لەنێو زیندان بێت و ئازاد نییە بۆ هەموو شوێنێك بڕوات و بۆ ماوەی چەند رۆژێك هەروا دەمێنێتەوە".

بە فەرمانی مەسعود بارزانی، لێژنەیەك پێكهێنراوە بۆ بەدواداچوونی كارەساتەكەی شنگال. لیژنەكە هەریەك لە نوێنەری بارزانی و نوێنەری وەزارەتی پێشمەرگە و دادوەرێك لە خۆدەگرێ و ئێستا دەستیان بە لێكۆڵینەوە كردووە.



سەربەست باپیری، لیوا سەعید کێستەیی و شەوکەت کانیکی

PM:12:35:25/08/2014

ئه‌م بابه‌ته 3853 جار خوێنراوه‌ته‌وه‌‌
زیاتر ...
پێش ڕیفراندۆم ئێران سەرجەم سەرچاوە ئاوییەکانی گرتەوە
وێنە: پاسەوانە تایبەتییەکەی مەلا بەختیار کوژرا
به‌هرۆز گه‌ڵاڵی: ڕیفراندۆم بکرێت تورکیا سنور دادەخات
پله‌ی‌ گه‌رمای‌ شاره‌كانی‌ هه‌رێم بەرز دەبێتەوە
مەسرور بارزانی: عێراق بە کردەی دابەش بووە
پۆلیسی سلێمانی: مێرد منداڵێک خۆی کوشت
هەپەگە: لە سێرت و بەدلیس 14 سەربازی تورکیا کوژران
وێنە: هێزەکانی پێشمەرگە لە سنوری داقوق بەسەرکرانەوە
پۆلیسی سلێمانی: ژن و مێرده‌ كوژراوه‌كه‌ی سلێمانی خه‌ڵكی هه‌ولێرن
گەشتوگوزاری سلێمانی سێ لیژنەی بۆ ڕۆژانی جەژن پێكهێنا
وتار
وەرزش
گۆڤاری لڤین
318
ژمارە
گۆڤاری لڤینی نوێ
بەشداریکردن